Anna Kendrick stal senunni af Trevor Noah

Þáttastjórnandinn Trevor Noah ræðir reglulega við áhorfendur sína á milli atriða við tökur á The Daily Show, sem er gott og blessaði. Leikkonan Anna Kendrick stal senunni af honum þar sem hún labbaði inn á settið og fékk að vera með og það var ljóst að það kom Noah verulega á óvart.

Hann sagði að þetta hefði verið í fyrsta sinn sem gestur þáttarins hefði komið aftur fram eftir að innslagi þeirra væri lokið.

Kendrick var líka fljót að taka stjórnina og kvarta yfir því hvað það væri kalt í settinu og þar væri feðraveldinu um að kenna. Áhorfendur fóru þá að kalla eftir því að fá peysur.

Noah kvartaði yfir því að allir hefðu snúist gegn honum og þá svöruðu þau mis-vandræðalegum spurningum áhorfenda.

Kendrick mætti einnig í þáttinn til Stephen Colbert í vikunni þar sem hún sagði skemmtilega sögu frá því þegar hún kallaði Barack Obama, sem þá var forseti Bandaríkjanna, „drullusokk“.