Áslaug og Kristín Helga tilnefndar til verðlauna í Bologna Kolbeinn Tumi Daðason skrifar 26. mars 2018 13:42 Kristín Helga og Áslaug voru heiðraðar í morgun í Norræna húsinu. Norræna húsið Áslaug Jónsdóttir og Kristín Helga Gunnarsdóttir hafa verið tilnefndar til barna- og unglingabókmenntaverðlauna Norðurlandaráðs. Tilnefningar voru kynntar af dómnefndinni á bókamessunni í Bologna á Ítalíu í morgun. Kristín Helga er tilnefnd fyrir bók sýna Vertu ósýnilegur - Flóttasaga Ishmaels. Áslaug er tilnefnd fyrir bókina Skrímsli í vanda sem hún skrifaði ásamt Kalle Güettler og Rakel Helmsdal. Forlagið gaf út báðar bækurnar á liðnu ári.Kristín Helga byggir söguna að miklu leyti á raunverulegum atburðum.Vertu ósýnilegur – Flóttasaga Ishmaels er skáldsaga fyrir unglinga og annað fólk sem byggð er á viðtölum, fréttum og heimildum um borgarastyrjöldina í Sýrlandi, afdrif fólks og örlög. „Eitt sinn bjó Ishmael í borg þar sem var líf og fjör alla daga og börn léku sér innan um dulúðuga hnífasala, villiketti og sápugerðarmeistara. Núna er hann fjórtán ára og borgin hans er vígvöllur. Þegar heimilið er rústir einar neyðist hann til að leggja land undir fót og leita skjóls þar sem friður ríkir. En flóttaleiðin er lífshættuleg. Á sama tíma glímir fjölskylda í Kópavogi við það flókna verkefni að fóta sig í nýju landi,“ segir í umsögn um bókina á vef Forlagsins.Svo til allt byggt á raunverulegum atburðum Kristín Helga fékk einmitt Fjöruverðlaunin, bókmenntaverðlaun kvenna, í janúar í flokki barna- og unglingabókmennta. „Ég hef sjálf ekki farið í flóttamannabúðir en ég sé Ishmael og hans fólk á hverju götuhorni um alla Evrópu,“ sagði Kristín Helga í viðtali við Fréttablaðið í janúar. Hún var þá nýlent á Keflavíkurflugvelli. „Ég vinn alltaf rannsóknarvinnu við gerð hverrar bókar en aldrei eins og þessarar, þar setti ég mig dálítið í gömlu blaðamannastellingarnar og aflaði gagna og efnis. Tók mörg viðtöl við Sýrlendinga sem búa hér á landi, suma nýkomna og aðra sem hafa verið hér lengi. Annað væri virðingarleysi við efnið. Eiginlega allt sem gerist í sögunni er byggt á raunverulegum atburðum en svo færi ég það vissulega í minn búning.“Bókin er sú níunda í seríunni.Loðna skrímslið ætlar aldrei aftur heimSkrímsli í vanda er níunda bókin um litla og stóra skrímslið. Bækurnar hafa verið þýddar á fjölmörg tungumál og hlotið margs konar verðlaun og viðurkenningar. Áslaug fékk einmitt Íslensku bókmenntaverðlaunin ásamt Rakel og Kalle í janúar í flokki barna- og unglingabókmennta. Í þetta skipti er loðna skrímslið aftur komið í heimsókn til litla skrímslisins. Stóra skrímslið vonar að það staldri stutt við. En það er nú eitthvað annað! Loðna skrímslið segist aldrei ætla heim til sín aftur! Nafn handhafa verðlauna Norðurlandaráðs fyrir barna- og unglingabókmenntir verður tilkynnt í Norsku óperunni þann 30. október 2018 þegar Norðurlandaráð þingar í Ósló. Tekur hann á móti verðlaununum sem nema 350 þúsund dönskum krónum.Nánari upplýsingar um tilnefningar má lesa hér. Bókmenntir Mest lesið „Kveiktum næstum í öllu sumarbústaðalandinu“ Lífið Mikið fjör á opnun kosningaskrifstofu Gnarr Lífið Sjarmerandi og seiðandi á sjötugsaldri Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið „Nútíminn er trunta“ Lífið Seiðandi glæsikvendi á lausu Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Áslaug Jónsdóttir og Kristín Helga Gunnarsdóttir hafa verið tilnefndar til barna- og unglingabókmenntaverðlauna Norðurlandaráðs. Tilnefningar voru kynntar af dómnefndinni á bókamessunni í Bologna á Ítalíu í morgun. Kristín Helga er tilnefnd fyrir bók sýna Vertu ósýnilegur - Flóttasaga Ishmaels. Áslaug er tilnefnd fyrir bókina Skrímsli í vanda sem hún skrifaði ásamt Kalle Güettler og Rakel Helmsdal. Forlagið gaf út báðar bækurnar á liðnu ári.Kristín Helga byggir söguna að miklu leyti á raunverulegum atburðum.Vertu ósýnilegur – Flóttasaga Ishmaels er skáldsaga fyrir unglinga og annað fólk sem byggð er á viðtölum, fréttum og heimildum um borgarastyrjöldina í Sýrlandi, afdrif fólks og örlög. „Eitt sinn bjó Ishmael í borg þar sem var líf og fjör alla daga og börn léku sér innan um dulúðuga hnífasala, villiketti og sápugerðarmeistara. Núna er hann fjórtán ára og borgin hans er vígvöllur. Þegar heimilið er rústir einar neyðist hann til að leggja land undir fót og leita skjóls þar sem friður ríkir. En flóttaleiðin er lífshættuleg. Á sama tíma glímir fjölskylda í Kópavogi við það flókna verkefni að fóta sig í nýju landi,“ segir í umsögn um bókina á vef Forlagsins.Svo til allt byggt á raunverulegum atburðum Kristín Helga fékk einmitt Fjöruverðlaunin, bókmenntaverðlaun kvenna, í janúar í flokki barna- og unglingabókmennta. „Ég hef sjálf ekki farið í flóttamannabúðir en ég sé Ishmael og hans fólk á hverju götuhorni um alla Evrópu,“ sagði Kristín Helga í viðtali við Fréttablaðið í janúar. Hún var þá nýlent á Keflavíkurflugvelli. „Ég vinn alltaf rannsóknarvinnu við gerð hverrar bókar en aldrei eins og þessarar, þar setti ég mig dálítið í gömlu blaðamannastellingarnar og aflaði gagna og efnis. Tók mörg viðtöl við Sýrlendinga sem búa hér á landi, suma nýkomna og aðra sem hafa verið hér lengi. Annað væri virðingarleysi við efnið. Eiginlega allt sem gerist í sögunni er byggt á raunverulegum atburðum en svo færi ég það vissulega í minn búning.“Bókin er sú níunda í seríunni.Loðna skrímslið ætlar aldrei aftur heimSkrímsli í vanda er níunda bókin um litla og stóra skrímslið. Bækurnar hafa verið þýddar á fjölmörg tungumál og hlotið margs konar verðlaun og viðurkenningar. Áslaug fékk einmitt Íslensku bókmenntaverðlaunin ásamt Rakel og Kalle í janúar í flokki barna- og unglingabókmennta. Í þetta skipti er loðna skrímslið aftur komið í heimsókn til litla skrímslisins. Stóra skrímslið vonar að það staldri stutt við. En það er nú eitthvað annað! Loðna skrímslið segist aldrei ætla heim til sín aftur! Nafn handhafa verðlauna Norðurlandaráðs fyrir barna- og unglingabókmenntir verður tilkynnt í Norsku óperunni þann 30. október 2018 þegar Norðurlandaráð þingar í Ósló. Tekur hann á móti verðlaununum sem nema 350 þúsund dönskum krónum.Nánari upplýsingar um tilnefningar má lesa hér.
Bókmenntir Mest lesið „Kveiktum næstum í öllu sumarbústaðalandinu“ Lífið Mikið fjör á opnun kosningaskrifstofu Gnarr Lífið Sjarmerandi og seiðandi á sjötugsaldri Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið „Nútíminn er trunta“ Lífið Seiðandi glæsikvendi á lausu Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira