Stjörnuspá Siggu Kling – Vatnsberinn: Það er mjög mikið að gerast á næstunni

Elsku Vatnsberinn minn þú ert svo bókstaflega mikill sálfræðingur og spekúlant að þú veist lykilinn að lífsgleðinni en inni í þessu öllu saman ertu áhrifagjarn, ótrúlegasta fólk getur heillað þig og látið þig skipta um skoðun á því hvernig þú vilt hafa líf þitt. Með þessu hefurðu meistaralega hæfileika fá fólk til að segja þér allt og treysta fyrir innstu upplýsingum sem þeir myndu annars ekki treysta öðrum fyrir.

Þessi einstaki kraftur þinn og eiginleiki að opna fólk sem hrífst að einlægni þinni segir þér líka að þú þarft að virða trúnað og slúðra aldrei, en það er þitt einkenni að vera tryggur og trúr. Þú hefur það mottó það sé bannað að dæma, þar af leiðandi er vinahópurinn þinn fjölbreyttur blanda af ólíkum manneskjum.

Þú elskar að njóta hins besta og þess vegna fylgir þér dálítil óþekkt sem betur fer. Það er mjög mikið að gerast á næstunni og mjög margt sem þú hefur alls ekki planað, svolítið eins og að vera í bingói og hafa allar tölur réttar.  Það er svo mikilvægt að fagna þegar allar tölur ganga upp, ekki bara taka því sem sjálfsögðum hlut að lífið sé að leika við þig, því eftir sem þú fagnar meira því meira færðu af því sem þú óskar þér.

Það er til fullt af fólki sem fer á fótboltaleiki en þorir hvorki að fagna eða hvetja því það er svo hrætt um að vera hallærislegt, en þú hefur óbeislandi orku að vera fánaberi og þora að láta í ljós það sem þér líkar og þetta gerir þig að þeim sigurvera sem þú ert.

Forvitni þín sem er svo skemmtileg á eftir að koma þér á spennandi staði sem þú bjóst ekki við færir á. Í ástinni skaltu ekki láta gömul vonbrigði hefta þig í því að leyfa þér að elska því þú hefur útgeislun, kraft og töfra sem enginn stenst.

Frægir Vatnsberar: Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona, Höddi Magg, Andrea Róberts mannauður, Hilmar Hafsteinsson ofurfasteignasali, Rut Roberts flugfreyja hjá Icelandair, Ragnheidur Guðfinna sálfræðingur.