Allt í lagi að drekka allt vatn á höfuðborgarsvæðinu Sylvía Rut Sigfúsdóttir skrifar 16. janúar 2018 08:15 Ólöf Snæhólm upplýsingafulltrúi hjá Veitum segir að kerfið hafi miklu meiri getu en vatnsneyslan gerir ráð fyrir. Vísir/Vilhelm „Það er rétt að gerlafjöldi mældist yfir viðmiðunarmörkum,“ segir Ólöf Snæhólm upplýsingafulltrúi hjá Veitum. Í gærkvöldi var tilkynnt að mælst hefði fjölgun jarðvegsgerla í kalda vatninu Í Reykjavík en tvö sýni sem Heilbrigðiseftirlit Reykjavíkur tók 12. janúar stóðust ekki viðmið í reglugerð. Hún ítrekar í samtali við Bítið nú í morgun að engin hætta sé á ferðum og að það sé „allt í lagi að drekka allt vatn á höfuðborgarsvæðinu.“ Spjallið við Ólöfu má heyra má hér að neðan Ekkert mál Ólöf segir að Heilbrigðiseftirlitið hafi mælt með því að neysluvatn í vissum hverfum borgarinnar væri soðið til að gæta ítrustu varúðar. Var þá bara átt við neytendur sem eru viðkvæmir, til dæmis með lélegt ónæmiskerfi, ungabörn, aldraðir eða fólk með undirliggjandi sjúkdóma. „Við hin drekkum þetta vatn, þetta er ekki mál fyrir okkur og örugglega engan.“ Leiðbeiningarnar frá Heilbrigðiseftirlitinu áttu við öll hverfi borgarinnar nema Grafarvog, Norðlingaholt, Úlfarsárdal, Kjalarnes auk Mosfellsbæjar, sem fá vatn frá öðrum svæðum í Heiðmörk þar sem ekki hefur mælst gerlafjöldi yfir viðmiðunarmörkum. „Við ákváðum að fara út með þetta svo fólk gæti tekið upplýsta ákvörðun. Jarðvegsgerlarnir eru heiti yfir allar bakteríur, fyrir utan E.coli og coli, sem finnast í umhverfi okkar. Þær eru nauðsynlegar fyrir lífríkið og alveg skaðlausar. Það þarf enginn að vera hræddur við þær.“ Ólöf segir að ástæðan fyrir frávikinu í gerlamagni sé mikil hlákutíð undanfarið í kjölfar langs frostakafla. Við slíkar aðstæður getur yfirborðsvatn komist í grunnvatn og flutt með sér gerla. Ef gerlamagn í borholu mælist yfir mörkum er vatnstöku úr henni hætt. Anna eftirspurn eins og staðan er núnaUmræða hefur skapast um hugsanlegan vatnsskort þar sem í tilkynningunni kom fram að sú staða sé komin upp að búið er að taka það margar holur úr rekstri Veitna að ekki er hægt að anna vatnsþörf viðskiptavina ef þær verða fleiri. Ólöf telur að einstaklingar þurfi ekki að hafa áhyggjur af slíku. „Við erum búin að vera að loka holum og eins og er þá erum við að anna vatnsþörf og ég held að almenningur og flest fyrirtæki þurfi ekki að hafa áhyggjur. Það sem við erum náttúrulega að hugsa helst um núna, ef við höldum þessu svona, er að eiga nægt vatn til brunavarna. Kerfið er náttúrulega ekki bara neyslukerfi heldur líka brunavarnakerfi.“ Ólöf segir að kerfið hafi miklu meiri getu en neyslan gerir ráð fyrir af því að það þurfi líka að vera viðbúið því að það komi stórir brunar. „Eins og núna erum við á pari en ef við þyrftum að loka fleirum þá þyrftum við að fara að skoða brunavarnirnar en eins og núna er ekkert sem gefur það til kynna. Ef það kemur upp stórbruni og við erum með meira lokað en við erum með núna og það kæmi líka stórbruni þá gætum við þurft að grípa til einhverra aðgerða.“ Telur hún að ekki muni koma til þess þar sem hlákan er ekki lengur til staðar og komið frost. „Við erum að vonast til að þessu sé lokið, þetta var bara óvenjulegt veðurskeið þessi langi frostkafli og þessi mikla hláka í kjölfarið.“ Eftirfarandi orðsending barst frá Veitum í gærkvöldi: Í fréttatilkynningu Veitna frá því fyrr í kvöld urðu þau mistök að listi yfir hverfi sem fá vatn úr þeim hluta veitukerfisins þar sem mældist aukinn fjöldi jarðvegsgerla var ekki kórréttur. Hér er réttur listi: Öll hverfi Reykjavíkur vestan Elliðaáa auk Bryggjuhverfis, Grafarvogs utan Húsahverfis, Ártúnshöfða, Kjalarnes sem og Seltjarnarnes.Heilbrigðiseftirlit Reykjavíkur hefur gefið út að engin hætta sé á ferðum. Þó er áfram, af varúðarástæðum, mælt með að íbúar ofantalinna hverfa sjóði vatn ef neytendur eru viðkvæmir. Fréttin var uppfærð klukkan 09:15. Heilbrigðismál Umhverfismál Tengdar fréttir Jarðvegsgerlar í kalda vatninu í Reykjavík Í varúðarskyni mælir Heilbrigðiseftirlitið með því að neysluvatn í vissum hverfum borgarinnar sé soðið ef um neytendur er að ræða sem eru viðkvæmir t.d. með lélegt ónæmiskerfi, ungabörn, aldraðir eða fólk með undirliggjandi sjúkdóma. 15. janúar 2018 19:27 Twitter logar út af menguðu vatni Fjölgun jarðvegsgerla hefur mælst í kalda vatninu í Reykjavík og er mælst til þess að neysluvatn sé soðið í öllum hverfum borgarinnar nema Grafarvogi, Norðlingaholti, Úlfarsárdal, Kjalarnesi auk Mosfellsbæjar, sem fá vatn frá öðrum svæðum í Heiðmörk. 15. janúar 2018 20:30 Mest lesið Meintur þjófur leitaði til lögreglu vegna framkvæmdastjórans Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Fjórir látnir eftir skotárás á Manhattan Erlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Dóttirin í Súlunesi ákærð Innlent Íhuga að greiða sextíu milljarða til að friðþægja Trump Erlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Fleiri fréttir Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Sjá meira
„Það er rétt að gerlafjöldi mældist yfir viðmiðunarmörkum,“ segir Ólöf Snæhólm upplýsingafulltrúi hjá Veitum. Í gærkvöldi var tilkynnt að mælst hefði fjölgun jarðvegsgerla í kalda vatninu Í Reykjavík en tvö sýni sem Heilbrigðiseftirlit Reykjavíkur tók 12. janúar stóðust ekki viðmið í reglugerð. Hún ítrekar í samtali við Bítið nú í morgun að engin hætta sé á ferðum og að það sé „allt í lagi að drekka allt vatn á höfuðborgarsvæðinu.“ Spjallið við Ólöfu má heyra má hér að neðan Ekkert mál Ólöf segir að Heilbrigðiseftirlitið hafi mælt með því að neysluvatn í vissum hverfum borgarinnar væri soðið til að gæta ítrustu varúðar. Var þá bara átt við neytendur sem eru viðkvæmir, til dæmis með lélegt ónæmiskerfi, ungabörn, aldraðir eða fólk með undirliggjandi sjúkdóma. „Við hin drekkum þetta vatn, þetta er ekki mál fyrir okkur og örugglega engan.“ Leiðbeiningarnar frá Heilbrigðiseftirlitinu áttu við öll hverfi borgarinnar nema Grafarvog, Norðlingaholt, Úlfarsárdal, Kjalarnes auk Mosfellsbæjar, sem fá vatn frá öðrum svæðum í Heiðmörk þar sem ekki hefur mælst gerlafjöldi yfir viðmiðunarmörkum. „Við ákváðum að fara út með þetta svo fólk gæti tekið upplýsta ákvörðun. Jarðvegsgerlarnir eru heiti yfir allar bakteríur, fyrir utan E.coli og coli, sem finnast í umhverfi okkar. Þær eru nauðsynlegar fyrir lífríkið og alveg skaðlausar. Það þarf enginn að vera hræddur við þær.“ Ólöf segir að ástæðan fyrir frávikinu í gerlamagni sé mikil hlákutíð undanfarið í kjölfar langs frostakafla. Við slíkar aðstæður getur yfirborðsvatn komist í grunnvatn og flutt með sér gerla. Ef gerlamagn í borholu mælist yfir mörkum er vatnstöku úr henni hætt. Anna eftirspurn eins og staðan er núnaUmræða hefur skapast um hugsanlegan vatnsskort þar sem í tilkynningunni kom fram að sú staða sé komin upp að búið er að taka það margar holur úr rekstri Veitna að ekki er hægt að anna vatnsþörf viðskiptavina ef þær verða fleiri. Ólöf telur að einstaklingar þurfi ekki að hafa áhyggjur af slíku. „Við erum búin að vera að loka holum og eins og er þá erum við að anna vatnsþörf og ég held að almenningur og flest fyrirtæki þurfi ekki að hafa áhyggjur. Það sem við erum náttúrulega að hugsa helst um núna, ef við höldum þessu svona, er að eiga nægt vatn til brunavarna. Kerfið er náttúrulega ekki bara neyslukerfi heldur líka brunavarnakerfi.“ Ólöf segir að kerfið hafi miklu meiri getu en neyslan gerir ráð fyrir af því að það þurfi líka að vera viðbúið því að það komi stórir brunar. „Eins og núna erum við á pari en ef við þyrftum að loka fleirum þá þyrftum við að fara að skoða brunavarnirnar en eins og núna er ekkert sem gefur það til kynna. Ef það kemur upp stórbruni og við erum með meira lokað en við erum með núna og það kæmi líka stórbruni þá gætum við þurft að grípa til einhverra aðgerða.“ Telur hún að ekki muni koma til þess þar sem hlákan er ekki lengur til staðar og komið frost. „Við erum að vonast til að þessu sé lokið, þetta var bara óvenjulegt veðurskeið þessi langi frostkafli og þessi mikla hláka í kjölfarið.“ Eftirfarandi orðsending barst frá Veitum í gærkvöldi: Í fréttatilkynningu Veitna frá því fyrr í kvöld urðu þau mistök að listi yfir hverfi sem fá vatn úr þeim hluta veitukerfisins þar sem mældist aukinn fjöldi jarðvegsgerla var ekki kórréttur. Hér er réttur listi: Öll hverfi Reykjavíkur vestan Elliðaáa auk Bryggjuhverfis, Grafarvogs utan Húsahverfis, Ártúnshöfða, Kjalarnes sem og Seltjarnarnes.Heilbrigðiseftirlit Reykjavíkur hefur gefið út að engin hætta sé á ferðum. Þó er áfram, af varúðarástæðum, mælt með að íbúar ofantalinna hverfa sjóði vatn ef neytendur eru viðkvæmir. Fréttin var uppfærð klukkan 09:15.
Heilbrigðismál Umhverfismál Tengdar fréttir Jarðvegsgerlar í kalda vatninu í Reykjavík Í varúðarskyni mælir Heilbrigðiseftirlitið með því að neysluvatn í vissum hverfum borgarinnar sé soðið ef um neytendur er að ræða sem eru viðkvæmir t.d. með lélegt ónæmiskerfi, ungabörn, aldraðir eða fólk með undirliggjandi sjúkdóma. 15. janúar 2018 19:27 Twitter logar út af menguðu vatni Fjölgun jarðvegsgerla hefur mælst í kalda vatninu í Reykjavík og er mælst til þess að neysluvatn sé soðið í öllum hverfum borgarinnar nema Grafarvogi, Norðlingaholti, Úlfarsárdal, Kjalarnesi auk Mosfellsbæjar, sem fá vatn frá öðrum svæðum í Heiðmörk. 15. janúar 2018 20:30 Mest lesið Meintur þjófur leitaði til lögreglu vegna framkvæmdastjórans Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Fjórir látnir eftir skotárás á Manhattan Erlent Maxwell biðlar til Hæstaréttar Erlent Langtímarannsóknir skorti á áhrifum kreatíns Innlent Dóttirin í Súlunesi ákærð Innlent Íhuga að greiða sextíu milljarða til að friðþægja Trump Erlent „Þetta er auðvitað stórhættulegt“ Innlent Fundaði með Guterres: Tveggja ríkja lausnin sé eina lausnin Innlent Fleiri fréttir Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Sjá meira
Jarðvegsgerlar í kalda vatninu í Reykjavík Í varúðarskyni mælir Heilbrigðiseftirlitið með því að neysluvatn í vissum hverfum borgarinnar sé soðið ef um neytendur er að ræða sem eru viðkvæmir t.d. með lélegt ónæmiskerfi, ungabörn, aldraðir eða fólk með undirliggjandi sjúkdóma. 15. janúar 2018 19:27
Twitter logar út af menguðu vatni Fjölgun jarðvegsgerla hefur mælst í kalda vatninu í Reykjavík og er mælst til þess að neysluvatn sé soðið í öllum hverfum borgarinnar nema Grafarvogi, Norðlingaholti, Úlfarsárdal, Kjalarnesi auk Mosfellsbæjar, sem fá vatn frá öðrum svæðum í Heiðmörk. 15. janúar 2018 20:30