Kalla inn jólin með ýmsum perlum tónbókmenntanna Gunnþóra Gunnarsdóttir skrifar 18. desember 2018 08:30 Hlíðarendakirkja var pökkuð þegar rangæskt tónlistarfólk kom þar fram í mars, nú verður það á Breiðabólstað og kirkjan þar mun óma af tónlist. Breiðabólstaðarkirkja í Fljótshlíð mun óma af tónlist í kvöld þegar Rut Ingólfsdóttir fiðluleikari, Sigríður Aðalsteinsdóttir altsöngkona og Guðjón Halldór Óskarsson organisti láta nokkrar perlur tónbókmenntanna kalla inn jólin. Með þeim taka kirkjukórar Breiðabólstaðarprestakalls þátt. Rut er um það bil að hendast á æfingu í kirkjunni þegar ég hringi. Hún segir þetta í fyrsta sinn sem hún taki þátt í jólatónleikum í Hlíðinni fögru. „Sveitungarnir báðu mig að vera með og mér hefur þótt það mjög gaman. Við völdum saman falleg verk svo sem Adagio eftir T. Albinon, Slá þú hjartans hörpustrengi eftir Bach, fiðlusónötu eftir Vivaldi og dásamlega aríu úr Jólaóratóríunni eftir Bach með altsöngkonu og fiðlu, svo dæmi séu tekin. Sigríður Aðalsteinsdóttir er skólastjóri í Tónlistarskóla Rangæinga og frábær altsöngkona. Hún syngur líka Helga nótt og þar tekur kórinn undir og ég spila röddina með, þannig er það líka í Nóttin var sú ágæt ein eftir Sigvalda Kaldalóns sem allir syngja saman.“ Spurð hvort Breiðabólstaðarkirkja sé gott tónlistarhús svarar Rut: „Hlíðarendakirkja er betri sem slík, þar hljómar betur. Þess vegna völdum við hana fyrir Bachtónleikana sem við héldum í mars. En það fer betur um bæði kórfólk og áheyrendur í Breiðabólstaðarkirkju enda er hún stærri,“ segir Rut og upplýsir að tuttugu og fimm manns séu í kórunum. Hún segir þau hjónin dvelja um hálft árið í Fljótshlíðinni og góð tengsl hafa skapast milli þeirra og heimafólks. „Við vorum með átta tónleika í Hlöðunni okkar að Kvoslæk síðasta sumar og dveljum meira hér fyrir austan á þeim árstíma en fyrir sunnan að vetrinum. Það hefur samt enginn vetur verið núna en myrkrið er mikið hér í sveitinni í skammdeginu. Við reynum bara að lýsa það upp.“ Tónleikarnir í Breiðabólstaðarkirkju hefjast klukkan 20 í kvöld. Aðgangur er ókeypis og allir velkomir. Birtist í Fréttablaðinu Mest lesið „Þegar ég vakna þá trúi ég því ekki að við séum saman“ Lífið Hjörtun stækkuðu hjá Benna Brynleifs og Evu Lífið Elli og María Birta eru stoltir fósturforeldrar í Las Vegas Lífið Fyndnustu gæludýramyndir ársins sem unnu til verðlauna Lífið Svona er Þjóðhátíðarlagið 2024 Lífið Gervispilanir tröllríða vinsældarlista Spotify Tónlist Rakel selur 290 milljóna króna heillandi hús í Vesturbænum Lífið Dorrit hvetur Nigel Farage til dáða Lífið Kjartan Henry og Helga selja í Vesturbænum Lífið Sveitasetur lýtalæknis til sölu: „Eign fyrir fjársterka aðila“ Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Breiðabólstaðarkirkja í Fljótshlíð mun óma af tónlist í kvöld þegar Rut Ingólfsdóttir fiðluleikari, Sigríður Aðalsteinsdóttir altsöngkona og Guðjón Halldór Óskarsson organisti láta nokkrar perlur tónbókmenntanna kalla inn jólin. Með þeim taka kirkjukórar Breiðabólstaðarprestakalls þátt. Rut er um það bil að hendast á æfingu í kirkjunni þegar ég hringi. Hún segir þetta í fyrsta sinn sem hún taki þátt í jólatónleikum í Hlíðinni fögru. „Sveitungarnir báðu mig að vera með og mér hefur þótt það mjög gaman. Við völdum saman falleg verk svo sem Adagio eftir T. Albinon, Slá þú hjartans hörpustrengi eftir Bach, fiðlusónötu eftir Vivaldi og dásamlega aríu úr Jólaóratóríunni eftir Bach með altsöngkonu og fiðlu, svo dæmi séu tekin. Sigríður Aðalsteinsdóttir er skólastjóri í Tónlistarskóla Rangæinga og frábær altsöngkona. Hún syngur líka Helga nótt og þar tekur kórinn undir og ég spila röddina með, þannig er það líka í Nóttin var sú ágæt ein eftir Sigvalda Kaldalóns sem allir syngja saman.“ Spurð hvort Breiðabólstaðarkirkja sé gott tónlistarhús svarar Rut: „Hlíðarendakirkja er betri sem slík, þar hljómar betur. Þess vegna völdum við hana fyrir Bachtónleikana sem við héldum í mars. En það fer betur um bæði kórfólk og áheyrendur í Breiðabólstaðarkirkju enda er hún stærri,“ segir Rut og upplýsir að tuttugu og fimm manns séu í kórunum. Hún segir þau hjónin dvelja um hálft árið í Fljótshlíðinni og góð tengsl hafa skapast milli þeirra og heimafólks. „Við vorum með átta tónleika í Hlöðunni okkar að Kvoslæk síðasta sumar og dveljum meira hér fyrir austan á þeim árstíma en fyrir sunnan að vetrinum. Það hefur samt enginn vetur verið núna en myrkrið er mikið hér í sveitinni í skammdeginu. Við reynum bara að lýsa það upp.“ Tónleikarnir í Breiðabólstaðarkirkju hefjast klukkan 20 í kvöld. Aðgangur er ókeypis og allir velkomir.
Birtist í Fréttablaðinu Mest lesið „Þegar ég vakna þá trúi ég því ekki að við séum saman“ Lífið Hjörtun stækkuðu hjá Benna Brynleifs og Evu Lífið Elli og María Birta eru stoltir fósturforeldrar í Las Vegas Lífið Fyndnustu gæludýramyndir ársins sem unnu til verðlauna Lífið Svona er Þjóðhátíðarlagið 2024 Lífið Gervispilanir tröllríða vinsældarlista Spotify Tónlist Rakel selur 290 milljóna króna heillandi hús í Vesturbænum Lífið Dorrit hvetur Nigel Farage til dáða Lífið Kjartan Henry og Helga selja í Vesturbænum Lífið Sveitasetur lýtalæknis til sölu: „Eign fyrir fjársterka aðila“ Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira