Erfitt að sætta sig við hvarf fjallgöngufélaganna: „Þetta voru svo frábærir félagar manns“ Tryggvi Páll Tryggvason skrifar 13. nóvember 2018 08:45 Þorsteinn, hér til til vinstri og Kristinn, til hægri. Mynd/Torfi Hjaltason Jón Geirsson, fjallgöngufélagi Kristins Rúnarssonar og Þorsteins Guðjónssonar, segir að það hafi tekið langan tíma fyrir sig að sætta sig við að Kristinn og Þorsteinn hafi týnst á fjallinu Pumori í Himalaja-fjallgarðinum í Nepal árið 1988. Hann hafi í langan tíma vonað, eftir að þeir týndust, að þeir myndu banka uppi hjá sér.Greint var frá því um helgina að bandarískur fjallgöngumaður hafi gengið fram á lík Kristins og Þorsteins sem týndust á fjallinu fyrir um 30 árum. Jón var með þeim í för og ætlaði að ganga upp á fjallið en þurfti frá að hverfa eftir að hann slasaðist í undirbúningi fyrir uppgönguna.Jón ræddi við Kastljós á RÚV í gær um aðdraganda ferðarinnar, aðstæður á fjallinu, vinskap þeirra félaga og söknuðinn sem fylgdi eftir að Kristinn og Þorsteinn hurfu.„Það urðu svolitlar breytingar strax þegar við komum að fjallinu vegna þess að það voru leiðangrar sem voru byrjaðir að fara leiðina sem við ætluðum að fara upp þannig að við breyttum áætlun okkar og ákváðum að fara upp eftir nýrri leið, á vesturvegg fjallsins,“ sagði Jón en bætti við að sú leið væri talin erfiðari en hin hefðbundna leið sem iðulega er farin. Forsíða Morgunblaðsins, 26. október 1988Ætlaði með þeim upp á topp en þurfti frá að hverfa vegna rifbeinsbrots Því hafi þeir þurft að finna leið til þess að komast að rótum vesturhlíðar fjallsins. Finna þurfti leið í gegnum skriðjökul og fara yfir torfært land til þess að komast upp að fjallshlíðinni.„Ég og Kristinn byrjum á að gera það. Við lentum í smá vandræðum í uppgöngunni. Við þurfum að koma niður á annan stað þegar við komum til baka. Við þurftum að síga niður og ég datt ofan í sprungu og við það högg rifbeinsbrotnaði ég,“ sagði Jón.Eftir það fór Jón niður til þess að komast á læknisstofu þar sem honum var sagt að það væri lítið sem væri hægt að gera fyrir hann. Því ákvað hann að snúa aftur til Íslands þar sem erfitt gæti reynst fyrir hann að klífa fjallið með brotin rifbein. Daginn eftir að Jón fór heim lögðu Þorsteinn og Kristinn af stað upp fjallið.Spurningin sem aldrei hefur fengist svar viðMeð þremenningunum hafði fjórði maðurinn verið með í för, Breti að nafni Steve og segir Jón að eftir að Þorsteinn og Kristinn týndust hafi hann sagst hafa séð þá uppi á fjallinu úr grunnbúðunum þegar þeir voru komnir yfir mestu erfiðleikana. Einnig hafi komið í ljós að hópur Ástrala hafi séð til þeirra rétt við toppinn. Því sé gengið út frá því að þeir hafi komist upp á tind hins 7.161 metra háa fjalls.„Spurning sem við höfum aldrei fengið svör við er hvað skeði eftir það? Okkar áætlun var alltaf að fara sömu leið niður. Siga niður alla þessa, þetta er í rauninni 900 metra langur ísveggur eða brekka,“ sagði Jón sem vill ekki bollaleggja mikið um það hvað hafi komið fyrir á leiðinni niður.„Manni þótti mest líklegast að eitthvað hafi komið fyrir á leiðinni niður. Þeir eru að siga niður mörg sig í bröttu landslagi. Það er tiltölulega flókið og það getur strax orðið erfitt. Maður var farinn að ímynda sér að eitthvað hafi komið fyrir þar og þeir hafi hrapað niður,“ sagði Jón. Pumo-Ri er 7161m hátt.Getty/ Heath HoldenVonaði í lengri tíma eftir hvarfið að þeir myndu koma í heimsókn Hann segir að þeir Þorsteinn og Kristinn hafi verið þaulvanir ferðamenn og þremenningarnir hafi í sameiningu klifrað upp á mörg krefjandi fjöll í sameiningu, meðal annars í evrópsku Ölpunum og í Perú.Í viðtalinu sagði Jón að það hafi tekið langan tíma að samþykkja að þeir Þorsteinn og Kristinn hafi látist á fjallinu.„Það var aldrei neitt ljóst fyrir mér. Ég var í langan langan tíma að samþykkja það. Maður var alltaf að ímynda sér allavega hluti, í marga mánuði á eftir. Þegar ekki er búið að finna lík er maður alltaf að leita. Það er það sem er búið að vera erfitt, það er búið að hafa á mann, vegna þess að þetta voru svo frábærir félagar manns og maður missti svo mikið. Og auðvitað fjölskyldan, Kristinn sem hefur aldrei séð pabba sinn,“ en nokkrum mánuðum eftir að þeir týndust fæddist sonur Kristins.Þá segir Jón að honum sé oft hugsað til félaga sinna þegar hann gangi á fjöll enda hafi missirinn verið mikill.„Þegar maður er mikið á fjöllum er maður alltaf að hugsa, kannski ekki bara um hvað skeið, heldur bara hvað þetta væri mikill missir að missa svona góða félaga. Þetta voru frábærir félagar. Sniðugir og bara heilir og góðir strákar,“ segir Jón.Það séu einnig blendar tilfinningar að fá fregnir af því að lík þeirra hafi fundist.„Bæði svolítið léttir að vita nú að það sé búið að finna þá. Nú getur maður kannski aðeins nálgast það sem hafi gerst. En á sama tíma eru þetta erfiðar fréttir. Manni er steypt niður í þetta aftur. Þetta eru samt góðar fréttir. Auðvitað er maður ekki að vona að þeir komi í heimsókn á morgun en það var í langan tíma þannig. Maður var ekki búinn að sætta sig við að þeir væru ekki til lengur.“ Nepal Tengdar fréttir Segir fréttirnar af líkfundinum góðar en þungar Anna Lára Friðriksdóttir, göngufélagi þeirra Kristins Rúnarssonar og Þorsteins Guðjónssonar sem fórust í Nepal haustið 1988 segir gott að fá endi í sögu þeirra. 11. nóvember 2018 21:01 Lík Kristins og Þorsteins fundust í Himalayafjöllum Allt bendir til þess að líka tveggja íslenskra fjallgöngumanna, sem hugðust toppa Pumo Ri í Himalayafjöllum í Nepal árið 1988, séu fundin nú þrjátíu árum síðar. 11. nóvember 2018 20:07 Líkfundur í Himalajafjöllum ekki kominn í formlegt ferli Samkvæmt upplýsingum frá bæði alþjóðadeild Ríkislögreglustjóra og Sveini H. Guðmarssyni, upplýsingafulltrúa utanríkisráðuneytisins, hefur íslenska ríkinu ekki borist formlegt erindi varðandi tvö lík sem fundust í Himalajafjöllum. 13. nóvember 2018 07:00 Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent Svipar til gamalla óupplýstra rána Innlent „Hvergi í verklagsreglum að við séum að reka fólk í burtu“ Innlent Fullkomlega sáttur við ákvörðun sína en útilokar ekkert Innlent Íbúar Hlíða velta fyrir sér dularfullum hvelli Innlent Hamfaragámur Bónus tryggir kældan mat í neyðarástandi Innlent Verulega brugðið yfir Hamraborgarmálinu Innlent „Trúði því ekki að þetta væri ég“ Innlent Hátt í hundrað dauðsföll á þremur árum Innlent Fleiri fréttir Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Steinunn Ólína hálfu skrefi frá því að bjóða sig fram Baldur mælist með langmest fylgi Sjá meira
Jón Geirsson, fjallgöngufélagi Kristins Rúnarssonar og Þorsteins Guðjónssonar, segir að það hafi tekið langan tíma fyrir sig að sætta sig við að Kristinn og Þorsteinn hafi týnst á fjallinu Pumori í Himalaja-fjallgarðinum í Nepal árið 1988. Hann hafi í langan tíma vonað, eftir að þeir týndust, að þeir myndu banka uppi hjá sér.Greint var frá því um helgina að bandarískur fjallgöngumaður hafi gengið fram á lík Kristins og Þorsteins sem týndust á fjallinu fyrir um 30 árum. Jón var með þeim í för og ætlaði að ganga upp á fjallið en þurfti frá að hverfa eftir að hann slasaðist í undirbúningi fyrir uppgönguna.Jón ræddi við Kastljós á RÚV í gær um aðdraganda ferðarinnar, aðstæður á fjallinu, vinskap þeirra félaga og söknuðinn sem fylgdi eftir að Kristinn og Þorsteinn hurfu.„Það urðu svolitlar breytingar strax þegar við komum að fjallinu vegna þess að það voru leiðangrar sem voru byrjaðir að fara leiðina sem við ætluðum að fara upp þannig að við breyttum áætlun okkar og ákváðum að fara upp eftir nýrri leið, á vesturvegg fjallsins,“ sagði Jón en bætti við að sú leið væri talin erfiðari en hin hefðbundna leið sem iðulega er farin. Forsíða Morgunblaðsins, 26. október 1988Ætlaði með þeim upp á topp en þurfti frá að hverfa vegna rifbeinsbrots Því hafi þeir þurft að finna leið til þess að komast að rótum vesturhlíðar fjallsins. Finna þurfti leið í gegnum skriðjökul og fara yfir torfært land til þess að komast upp að fjallshlíðinni.„Ég og Kristinn byrjum á að gera það. Við lentum í smá vandræðum í uppgöngunni. Við þurfum að koma niður á annan stað þegar við komum til baka. Við þurftum að síga niður og ég datt ofan í sprungu og við það högg rifbeinsbrotnaði ég,“ sagði Jón.Eftir það fór Jón niður til þess að komast á læknisstofu þar sem honum var sagt að það væri lítið sem væri hægt að gera fyrir hann. Því ákvað hann að snúa aftur til Íslands þar sem erfitt gæti reynst fyrir hann að klífa fjallið með brotin rifbein. Daginn eftir að Jón fór heim lögðu Þorsteinn og Kristinn af stað upp fjallið.Spurningin sem aldrei hefur fengist svar viðMeð þremenningunum hafði fjórði maðurinn verið með í för, Breti að nafni Steve og segir Jón að eftir að Þorsteinn og Kristinn týndust hafi hann sagst hafa séð þá uppi á fjallinu úr grunnbúðunum þegar þeir voru komnir yfir mestu erfiðleikana. Einnig hafi komið í ljós að hópur Ástrala hafi séð til þeirra rétt við toppinn. Því sé gengið út frá því að þeir hafi komist upp á tind hins 7.161 metra háa fjalls.„Spurning sem við höfum aldrei fengið svör við er hvað skeði eftir það? Okkar áætlun var alltaf að fara sömu leið niður. Siga niður alla þessa, þetta er í rauninni 900 metra langur ísveggur eða brekka,“ sagði Jón sem vill ekki bollaleggja mikið um það hvað hafi komið fyrir á leiðinni niður.„Manni þótti mest líklegast að eitthvað hafi komið fyrir á leiðinni niður. Þeir eru að siga niður mörg sig í bröttu landslagi. Það er tiltölulega flókið og það getur strax orðið erfitt. Maður var farinn að ímynda sér að eitthvað hafi komið fyrir þar og þeir hafi hrapað niður,“ sagði Jón. Pumo-Ri er 7161m hátt.Getty/ Heath HoldenVonaði í lengri tíma eftir hvarfið að þeir myndu koma í heimsókn Hann segir að þeir Þorsteinn og Kristinn hafi verið þaulvanir ferðamenn og þremenningarnir hafi í sameiningu klifrað upp á mörg krefjandi fjöll í sameiningu, meðal annars í evrópsku Ölpunum og í Perú.Í viðtalinu sagði Jón að það hafi tekið langan tíma að samþykkja að þeir Þorsteinn og Kristinn hafi látist á fjallinu.„Það var aldrei neitt ljóst fyrir mér. Ég var í langan langan tíma að samþykkja það. Maður var alltaf að ímynda sér allavega hluti, í marga mánuði á eftir. Þegar ekki er búið að finna lík er maður alltaf að leita. Það er það sem er búið að vera erfitt, það er búið að hafa á mann, vegna þess að þetta voru svo frábærir félagar manns og maður missti svo mikið. Og auðvitað fjölskyldan, Kristinn sem hefur aldrei séð pabba sinn,“ en nokkrum mánuðum eftir að þeir týndust fæddist sonur Kristins.Þá segir Jón að honum sé oft hugsað til félaga sinna þegar hann gangi á fjöll enda hafi missirinn verið mikill.„Þegar maður er mikið á fjöllum er maður alltaf að hugsa, kannski ekki bara um hvað skeið, heldur bara hvað þetta væri mikill missir að missa svona góða félaga. Þetta voru frábærir félagar. Sniðugir og bara heilir og góðir strákar,“ segir Jón.Það séu einnig blendar tilfinningar að fá fregnir af því að lík þeirra hafi fundist.„Bæði svolítið léttir að vita nú að það sé búið að finna þá. Nú getur maður kannski aðeins nálgast það sem hafi gerst. En á sama tíma eru þetta erfiðar fréttir. Manni er steypt niður í þetta aftur. Þetta eru samt góðar fréttir. Auðvitað er maður ekki að vona að þeir komi í heimsókn á morgun en það var í langan tíma þannig. Maður var ekki búinn að sætta sig við að þeir væru ekki til lengur.“
Nepal Tengdar fréttir Segir fréttirnar af líkfundinum góðar en þungar Anna Lára Friðriksdóttir, göngufélagi þeirra Kristins Rúnarssonar og Þorsteins Guðjónssonar sem fórust í Nepal haustið 1988 segir gott að fá endi í sögu þeirra. 11. nóvember 2018 21:01 Lík Kristins og Þorsteins fundust í Himalayafjöllum Allt bendir til þess að líka tveggja íslenskra fjallgöngumanna, sem hugðust toppa Pumo Ri í Himalayafjöllum í Nepal árið 1988, séu fundin nú þrjátíu árum síðar. 11. nóvember 2018 20:07 Líkfundur í Himalajafjöllum ekki kominn í formlegt ferli Samkvæmt upplýsingum frá bæði alþjóðadeild Ríkislögreglustjóra og Sveini H. Guðmarssyni, upplýsingafulltrúa utanríkisráðuneytisins, hefur íslenska ríkinu ekki borist formlegt erindi varðandi tvö lík sem fundust í Himalajafjöllum. 13. nóvember 2018 07:00 Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent Svipar til gamalla óupplýstra rána Innlent „Hvergi í verklagsreglum að við séum að reka fólk í burtu“ Innlent Fullkomlega sáttur við ákvörðun sína en útilokar ekkert Innlent Íbúar Hlíða velta fyrir sér dularfullum hvelli Innlent Hamfaragámur Bónus tryggir kældan mat í neyðarástandi Innlent Verulega brugðið yfir Hamraborgarmálinu Innlent „Trúði því ekki að þetta væri ég“ Innlent Hátt í hundrað dauðsföll á þremur árum Innlent Fleiri fréttir Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Steinunn Ólína hálfu skrefi frá því að bjóða sig fram Baldur mælist með langmest fylgi Sjá meira
Segir fréttirnar af líkfundinum góðar en þungar Anna Lára Friðriksdóttir, göngufélagi þeirra Kristins Rúnarssonar og Þorsteins Guðjónssonar sem fórust í Nepal haustið 1988 segir gott að fá endi í sögu þeirra. 11. nóvember 2018 21:01
Lík Kristins og Þorsteins fundust í Himalayafjöllum Allt bendir til þess að líka tveggja íslenskra fjallgöngumanna, sem hugðust toppa Pumo Ri í Himalayafjöllum í Nepal árið 1988, séu fundin nú þrjátíu árum síðar. 11. nóvember 2018 20:07
Líkfundur í Himalajafjöllum ekki kominn í formlegt ferli Samkvæmt upplýsingum frá bæði alþjóðadeild Ríkislögreglustjóra og Sveini H. Guðmarssyni, upplýsingafulltrúa utanríkisráðuneytisins, hefur íslenska ríkinu ekki borist formlegt erindi varðandi tvö lík sem fundust í Himalajafjöllum. 13. nóvember 2018 07:00