Beint í fangelsi eftir að gæsluvarðhald var fellt úr gildi
Landsréttur felldi í dag úr gildi gæsluvarðhald yfir konu sem grunuð er um aðild að brennu að Kirkjuvegi 18 á Selfossi. Þetta kemur fram í tilkynningu frá lögreglunni.
Héraðsdómur Suðurlands féllst á kröfu lögreglunnar um gæsluvarðhald yfir konunni, sem fædd er árið 1973, og sömuleiðis karlmanni, fæddum 1965, sem grunaður er um aðild.
Tvennt lést í brunanum og er grunur um íkveikju. Var krafa lögreglustjórans á Suðurlandi á grundvelli rannsóknarhagsmuna.
Konan fer þó ekki langt því hún hefur nú afplánun fangelsisvistar sem hún átti eftir að sitja af sér vegna eldri dóms.
Tengdar fréttir
Rannsókn á bruna á Selfossi á viðkvæmu stigi
Lögreglan á Suðurlandi vinnur áfram að rannsókn bruna sem kom upp í húsi við Kirkjuveg 18 á Selfossi síðastliðinn miðvikudag.
Tvennt lést í eldsvoða og tvö í gæsluvarðhaldi
Karl og kona voru í gærkvöldi úrskurðuð í viku langt gæsluvarðhald vegna rannsóknar á tildrögum eldsvoðans á Selfossi á miðvikudag. 47 ára kona og 49 ára karl létust í brunanum sem lögreglu grunar að hafi verið af mannavöldum.
Nöfn þeirra sem létust í brunanum á Selfossi
Lögreglan á Suðurlandi hefur gefið út nöfn þeirra tveggja sem létust í brunanum á Selfossi í gær.
