Tvíkelfingarnir Steina og Sveina komnar í heiminn

Magnús Hlynur Hreiðarsson skrifar 10. september 2018 17:22

Baldur Sveinsson, bústjóri á einangrunarstöðinni og Þorsteinn Ólafsson, dýralæknir halda hér á Steinu og Sveinu sem báðar eru svartar á lit. Mynd/Búnaðarsamband Suðurlands

Þessa dagana eru að fæðast hreinræktaðir kálfar af Aberdeen Angus kyni frá Noregi á einangrunarstöðinni á Stóra Ármóti í Flóahreppi. Fyrsti kálfurinn fæddist 30. ágúst en hann fékk nafnið Vísir.

Þar á eftir fæddist annar nautkálfur sem fékk nafnið Týr og í nótt bar kýrin Dallilja tveimur kvígukálfum sem voru nefndar Steina sem var 35 kg og Sveina sem var 29 kg. Burðurinn gekk vel og heilsast öllum vel. Kvígurnar eru undan Stóra Tígri og Letti av Nordstu.

Þá má geta þess að Vísir og Týr eru albræður Steinu og Sveinu. Þetta kemur meðal annars fram á heimasíðu Búnaðarsambands Suðurlands. Næstu daga er von á átta kálfum í viðbót á einangrunarstöðinni.

Dallilja með dætur sínar, Steinu og Sveinu. Mynd/Búnaðarsamband Suðurlands

Dýr Flóahreppur Landbúnaður

Tengdar fréttir

Vísir í níu mánaða einangrun

Því var fagnað í dag að fyrsti norskættaði kálfurinn af Aberdeen Angus kyni kom í heiminn á nýrri einangrunarstöð fyrir holdagripi á Stóra Ármóti í Flóahreppi. Kálfurinn hefur fengið nafnið Vísir.

30.8.2018 18:41

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.