Dómararnir börðust við tárin: „Við þurfum fleiri karlmenn eins og þig“

Simon Cowell hefur hátt í tuttugu ár verið dómari í raunveruleikaþáttum um heim allan. Hann hefur þá ímynd að vera nokkuð harður í horn að taka og sýnir mjög sjaldan tilfinningar sínar í sjónvarpinu.

Á dögunum kom söngvarinn Michael Ketterer fram í undanúrslitum í America´s Got Talent en hann vakti fyrst athygli í þáttunum þegar hann  mætti með börnin sín sex í áheyrnaprufu og fékk hann gullhnappinn fræga. Ketterer á sex börn með eiginkonu sinni og koma þau öll úr fósturbarnakerfinu í Bandaríkjunum.

Ketterer flutti lagið US eftir James Bay og vakti flutningurinn gríðarlega athygli og snerti lagið greinilega við Cowell sem barðist við tárin þegar hann talaði við söngvarann eftir flutninginn.

Mel B átti einnig í vandræðum með sínar tilfinningar þegar hún ræddi við Kretterer en hér að neðan má sjá atriðið og viðbrögð dómaranna.