Zidane tilbúinn með leikmannalista ef hann tekur við Man Utd

Zinedine Zidane, fyrrum þjálfari Real Madrid er búinn að gera leikmannalista yfir þá leikmenn sem hann ætlar að fá til Manchester United, fái hann starfið þar ef Jose Mourinho verður rekinn.



Frakkinn á að hafa sagt við vini sína að hann á von á símtali frá Manchester United ef ástandið versnar með Jose Mourinho, stjóra liðsins.



Gengi Manchester United hefur ekki verið gott það sem af er tímabili en liðið hefur tapað tveimur af fyrstu fjórum leikjum tímabilsins.



Margir stuðningsmenn vilja jafnvel sjá Mourinho fara frá félaginu.



Zidane veit af stöðunni hjá Manchester United og er byrjaður að undirbúa sig ef Mourinho verður rekinn.



Hann er búinn að búa til lista yfir þá leikmenn sem hann vill fá til félagsins en það eru þeir Toni Kroos, miðjumaður Real Madrid, Thiago Alcantara hjá Bayern Munchen, James Rodriguez lánsmann Bayern frá Real Madrid og Edinson Cavani, framherja PSG.