Paris biðst afsökunar á forsíðunni

Fyrirsætan Paris Jackson, hlaut á dögunum mikla gagnrýni fyrir að hafa setið fyrir á forsíðu Singapúr útgáfu tímaritsins Harper‘s Bazaar. 

Gagnrýnendur bentu Jackson, sem tilkynnti aðdáendum sínum í júlí að hún væri tvíkynhneigð, á að í Singapúr væri samkynhneigð enn refsiverð.

Í skoðanagrein sinni í tímaritinu Gay Star News, kallar ritstjóri blaðsins, Jamie Tabberer, Paris hræsnara og bendir á að í Singapúr geta samkynhneigðir átt í hættu á að vera dæmdir til tveggja ára fangelsisvistar vegna kynhneigðar sinnar.

Tabberer sagði að ákvörðun Jackson um að sitja fyrir hafi verið vonbrigði. 

Paris sem er dóttir poppkóngsins Michael Jackson baðst afsökunar á ákvörðun sinni í Twitter færslu sem sjá má neðst í fréttinni.

Paris bar fyrir sig vanþekkingu á réttindum samkynhneigðra í landinu og sagðist ætla að fjarlæga forsíðumyndina af Instagram síðu sinni.

i didn’t know, i am sorry. i was grateful for the opportunity, but i’ll delete the post now. i don’t want to be hypocritical or hurt anyone, and my support for my fellow LGBTQ+ community comes first before my love for fashion and gratitude for this opportunity. again, i’m sorry. https://t.co/ntokVfCZZS

— Paris-Michael K. J. (@ParisJackson) August 19, 2018