Dara Ó Briain í Háskólabíói
Írski uppistandarinn og þáttastjórnandinn Dara Ó Briain mun flytja nýtt uppistand sitt, Voice of Reason, í Háskólabíó þann 3. febrúar næstkomandi.
Dara er einn þekktasti grínisti Bretlandseyja og hefur stýrt fjölda sjónvarpsþátta; á borð við Mock the Week, Star Gazing Live, Robot Wars og Go 8 Bit.
Hann hefur alls gefið út fimm uppistandssýningar á DVD, sem allar hafa verið sýndar í breska ríkisútvarpinu í gegnum árin: Crowd Tickler (2015), Craic Dealer (2012), This is the Show (2010), Dara O Briain talks funny Live in London (2008) og Dara O Briain Live at the Theatre Royal (2006).
Fyrr á árinu gaf Ó Briain einnig út sína fyrstu barnabók Beyond the Sky: You and the Universe. Miðasala á uppistandssýningu kappans á Íslandi hefst á tix.is/dara á miðvikudaginn næstkomandi klukkan 10.
Tengdar fréttir
Ari Eldjárn neyddur til að leiða víkingaklapp á BBC
Ari Eldjárn fór á kostum í hinum geysivinsæla þætti Mock the Week í breska ríkissjónvarpinu BBC í gærkvöldi.
Ari Eldjárn á leiðinni í einn vinsælasta spjallþátt Breta: „Svo spenntur fyrir þessu“
Ari hefur verið að slá í gegn á erlendum vettvangi undanfarin misseri.
Enskur þáttastjórnandi: „Nú á Ísland England og ég beygi mig undir veldi þeirra“
Englendingar eru enn að klóra sér í hausnum yfir því að Íslendingar hafi sent þá heim af EM.
