Söngkonan Demi Lovato fer í meðferð þegar hún verður útskrifuð af Cedars-Sinai sjúkrahúsinu í Los Angeles en þetta hefur CNN eftir áreiðanlegum heimildum.
Lovato var flutt með hraði á spítala á þriðjudagsmorgun vegna gruns um að hafa tekið inn of stóran skammt af heróíni.
Sjúkraliðar komu að Lovato meðvitundarlausri á heimili sínu en TMZ greinir frá því að hún hafi verið í mikilli lífshættu.
TMZ hefur neyðarlínusímtalið örlagaríka undir höndum og kemur þar fram að starfskona söngkonunnar hafi farið þess á leit við starfsmann neyðarlínunnar að sjúkrabíllinn myndi koma að húsinu með slökkt á öllum sírenum. Það var ekki samþykkt.
Lovato hefur greint opinskátt frá baráttu sinni við eiturlyfja- og áfengisfíkn í gegnum tíðina og gaf hún út lagið Sober í sumar sem fjallar um að hún hafi fallið. Levato fór síðast í meðferð árið 2010.
Demi Lovato var í mikilli lífshættu og er á leiðinni í meðferð
Tengdar fréttir
Demi Lovato flutt á sjúkrahús vegna gruns um ofneyslu heróíns
Samkvæmt frétt TMZ komu sjúkraliðar að Lovato meðvitundarlausri á heimili sínu.
Stjörnurnar senda kveðjur til Lovato sem er komin til meðvitundar
Bandaríska söngkonan Demi Lovato er komin til meðvitundar en hún var flutt á sjúkrahús í Los Angeles í gær vegna gruns um að hafa tekið inn of stóran skammt af heróíni.
Justin Bieber í sjokki eftir fréttirnar um Demi Lovato: „Ég hélt að hún væri edrú“
Kanadíska poppstjarnan fékk ákveðið sjokk þegar hann frétti um stöðuna á Demi Lovato sem var flutt á sjúkrahús í Los Angeles í vikunni en grunur er á því að hún hafi tekið of stóran skammt af heróíni.
