John Grant heldur tónleika í Silfurbergi í október

Bandarísk/íslenski tónlistamaðurinn John Grant er Íslendingum að góðu kunnur. Hann er að mestu leyti búsettur hér á landi, milli þess sem hann ferðast um heiminn og heldur tónleika.

Grant ætlar að halda tónleika í Silfurbergi í Hörpu 26. október næstkomandi. Þrjú ár eru liðin frá því að hann var síðast með tónleika á Íslandi og því löngu orðið tímabært að halda tónleika hér að nýju.

Excited to be announcing dates for my UK & European tour later this year... all dates and ticket info are here - with pre-sale UK ticket link to follow. See ya out there! https://t.co/ZXTfumOWQp

— John Grant (@johngrantmusic) April 24, 2018

Það hefur verið mikið að gera hjá Grant undanfarin tvö og hálft ár, eða síðan hann gaf út plötuna Grey Tickles, Black Pressure. Hann hefur flakkað heimshorna á milli, komið fram ýmist á eigin tónleikum eða á tónlistarhátíðum þess á milli sem hann sinnir tónsmíðum. 

Hann er nú að leggja lokahönd á fjórðu plötuna sína og af því tilefni er blásið til tónleikaferðar víðsvegar um Evrópu og þar á meðal á Íslandi. Aðeins verður um eina tónleika að ræða að þessu sinni, því er ljóst að ekki fá allir miða sem vilja.