Zlatan: Miklar líkur á að ég spili á HM

„Líkurnar á því að ég spili á heimsmeistaramótinu eru himinháar,“ sagði Zlatan Ibrahimović á Twitter síðu sinni í dag.

The chance of me playing in the World Cup is skyhöga #FifaWorldCup2018

— Zlatan Ibrahimović (@Ibra_official) April 15, 2018

Zlatan Ibrahimović ákvað að hætta að gefa kost á sér með sænska landsliðinu árið 2016 en hann hefur leikið 116 landsleiki fyrir Svíþjóð og skorað 62 mörk. Nú virðist sem hann hafi ákveðið að bjóða aftur fram krafta sínu fyrir landsliðið.

Zlatan gekk fyrir skömmu til liðs við LA Galaxy sem leikur í bandarísku MLS-deildinni. Hann byrjað vel með liðinu og skorað þrjú mörk úr þremur leikjum.