Stjörnuspá Siggu Kling – Vatnsberinn: Leika sér meira og sleppa barninu út

Elsku Vatnsberinn minn, nú er tími upprisunnar svo sannarlega fyrir þig, þú ert að stíga hærra og hærra og að finna þú hefur sterk tök allt í kringum þig. Vertu sterkur og stabíll með áfengi og annað sem hefur þau áhrif á þig að þú missir máttinn. Ég er alls ekki að segja við þig að þetta sé eitthvað sem þú verðir að hætta heldur þarftu að fara í tíma þar sem þú hreinsar hugann og sérð afgerandi þína styrkleika.

Heimurinn liggur nefnilega þér að fótum ef hugsarðu á nýjum nótum, önnur hugmynd, annar veruleiki.  Þú segir kannski við einhvern: þú ert geðvond eða þú ert geðvondur. Öll höfum öll geð og í því getum við náttúrulega sagt að við séum að vissu leyti bara mis geðveik.

Þú þarft að finna þinn innri kraft til að hreinsa hugann núna því þú ert að rísa upp þar sem þú finnur hvað þú hefur mikil geðgæði sjálfur. Þú ert að byggja upp mjög sterka sjálfsmynd, ert að þroskast alveg rosalega hratt. Að leika sér meira og sleppa barninu út úr hjarta sér eru skilaboð til þín, maður getur orðið eitthvað svo leiðinlega geðvondur þegar maður heldur að maður sé orðinn fullorðinn og alvitur.

Þú hefur mjög mikla hæfileika til að predika fyrir öðrum, hefur svo áhrifaríka rödd og færð fólk með þér í leik eða í þitt lið, ert snillingur í að skilja hugsjónir annarra  en hefur líka vit á því að gera þær að þínum eigin þegar þess þarf.  Það eru smá sveiflur í ástinni, svo hafðu það á hreinu; elskarðu þann sem er hjarta þínu næst, eða ekki?

Það eru miklar ákvarðanatökur á næstunni og þú þarft að velja hvað þú vilt og byggja heiðarlega upp þau sambönd sem þú vilt að dafni. Það eru til fimm tegundir af ást; sumir nota orð, sumir nota snertingu, aðrir gera mikið uppúr gjöfum en ég ætla ekkert að tala um númer fjögur eða fimm því það er engin ást eins svo við þurfum að skilja manneskjurnar í kringum okkur þó þær tjái sig ekki alveg eins í ástinni og þú er ekki þar með sagt þær elski þig ekki.

Skilaboðin eru: Opnaðu hurðina, því lífið er að banka

Frægir Vatnsberar: Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona, Höddi Magg, Andrea Róberts mannauður, Hilmar Hafsteinsson ofurfasteignasali, Rut Roberts flugfreyja hjá Icelandair, Ragnheidur Guðfinna sálfræðingur.