Stjörnuspá Siggu Kling - Nautið: Ert á fullri ferð að skrifa góða ævisögu

Elsku Nautið mitt, Naut og tilfinningar eru sama orðið, þú hefur svo miklar ástríður og elskar lífsins lystisemdir sem getur verið frá hinu einfalda eins og góðum kaffibolla eða að vel skornum demanti, þú ert í mjög góðu flæði svo ekki spá í hvað er að gerast, heldur lærðu að njóta þess sem er núna því krafturinn í núinu og þakklætið sem þú átt að gefa alheiminum á hverjum degi mun koma þér á þá braut sem er best fyrir þig.

Við gleymum oft að þakka fyrir heilsuna, en þegar við getum ekki skeint okkur sjálf og þurfum hjálp við það einfalda þá munum við hversu rík við vorum. Það er engum að þakka eða kenna um hvar þú ert núna, því þú ert alltaf bara minning, hvaða minningu ætlarðu að skapa núna? Lífið er stutt elskan mín og þú ert á fullri ferð að skrifa góða ævisögu og svo sannarlega eru maí og júní kraftmesti tími þinn á árinu til að byrja á nýjum hlutum, hafa trú á sjálfum þér og gleyma hinum gamla.

Þegar þú þarft að sýna styrkleika gerirðu það, alls ekki stóla á aðra næstu 100 daga í það minnsta því orkan þín snýst um þessi orð: Ég um mig, frá mér, til mín. Þér finnst kannski ég sé að predika sjálfselsku, og það er rétt, því það er akkúrat það sem þú þarft að æfa þig í til að ná þessum krafti sem þig vantar.

Í ástinni þarft þú að skilja að hún snýst um frið og vináttu og síðan er allt í lagi að hún sé sexual en það er alls ekki það fyrsta sem hún á vilja, heldur er það virðing, ást og svo þróast hitt.

Núna þarft þú að velja í hvað þú setur allan þinn huga í, manstu ég, um mig, frá mér... og í framhaldi er sú manneskja sem þú vilt draga inn í þitt líf. Þú hefur svo mikið segulmagn að þú getur fengið hvað sem þú vilt í ástinni, svo um leið og þú hefur maka eða kærustu sem þér líður svo dásamlega friðsamlega með þá er það rétta manneskjan. Vesen eða vandamálasambönd hjá þér skulu slútta núna, peningalega lendirðu á réttum stað því veraldleg orka er að færa þér dásamlegar gjafir.

Skilaboðin eru: Ég elska mig.is

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur, Davíð Rúnar Bjarnason, boxari.