Stjörnuspá Siggu Kling – Ljónið: Upphafið er eins og start að maraþoni

Elsku Ljónið mitt, ég er svo æðislega ánægð fyrir því tímabili sem þú ert að mæta og það er að koma svo margt inn í líf þitt sem gefur þér nýja byrjun, nýtt start til að endurnýja það sem þú vilt.

Það eina sem þú þarft að virkja er nennan, að nenna þýðir nenna lífinu, nennirðu að vera forsetinn? Nei kannski ekki, en þú þarft að hafa nákvæmlega á hreinu núna hverju nennir þú? Þetta ár er það sérstakasta sem blasir við þér elskan mín og hver einasti mánuður sem færir þig nær þínum afmælisdegi gefur þér fleiri tækifæri til að breyta lífi þínu til fagnaðar en þú verður að nenna því!

Þetta upphaf er eins og start að maraþoni en þú verður sjálfur að starta því, kannski nennir maður ekki einu sinni að skrá sig en ég er svo sannfærð um og búin að reikna út að þú ert með töluna 1 í kraftinum þínum, svo láttu þig gossa út í þetta maraþon því þú endar sem sigurvegari og fyllist því stolti sem þú þarft til þess að sjá að þú ert svo sannarlega konungur ljónanna um leið og þú setur í þinn rétta í gír.

Þú ert svo opinskár og með svo yndislegt bros að þú kemst upp með allt, það sjá allir að þú sért konungur ljónanna og núna er svo sannarlega tíminn til að öskra Hakuna Matata – þú þarft að tileinka þér það líferni sem færir þér hamingju, mátt að sjálfsögðu vera pínulítið óþekkur og leika þér en þarft að sjálfsögðu að vita hvenær á að stoppa og hvenær þú vilt hefja þetta þetta nýja líf, allt annað kemur þér í leiðinda vandræði, nennirðu því? Þú geislar af sjálfsöryggi svo enginn fattar að hjarta þitt er kannski mölbrotið, tjaslaðu því saman og gríptu nennuna til að verða hamingjusamur.

Það öfunda þig flestallir af karakternum þínum svo sjáðu sjálfan þig í nýju ljósi, í nýju upphafi og tækifærin verða ótalmörg.

Og skilaboðin þín eru: Ég er sterkari og sterkari með hverjum degi.

Fræg Ljón: Cara Delevingne fyrirsæta, Ágústa Eva Erlendsdóttir, leik- og söngkona, Halldóra Geirharðsdóttir leikkona, Birgitta Haukdal söngkona, Barack Obama Bandaríkjaforseti, Ásdís Rán fyrirsæta, Gísli Gíslason geimfari, Geir Ólafsson söngvari, Þórunn Antonía alheimsstjarna, Albert Eiríks, matgæðingur af bestu sort, Jón Óttar Ragnarsson, athafna- og fjölmiðlamaður, Jennifer Lopez söngkona, Diddú, Sirrý Arnardóttir fjölmiðlakona, Arnór Dan, söngvari, Agent Fresco, Ana Mafalda, besta húshjálp í heimi, Sema Erla Serdar, baráttukona, Rósa Ingólfsdóttir, sjónvarpskona, Anton Máni Svansson, kvikmyndaframleiðandi, Hulk.