Jeff Goldblum vill láta kalla sig pabba þegar hann borðar vængi

Leikarinn Jeff Goldblum var á dögunum gestur í þætti First We Feast á You-Tube en þeir kallast Hot Ones.

Í þáttunum ræða þáttastjórnandinn og gesturinn saman en á sama tíma borða þau vel sterka vængi með mismunandi sósum.

Goldblum er helst þekktur fyrir hlutverk sín í The Fly, Jurassic Park og Independence Day en hefur leikið í fjölmörgum öðrum kvikmyndum og þáttum.

Að þessu sinni voru veganvængir í boði hjá Sean Evans þáttastjórnandanum en þetta var lokaþátturinn í sjöttu þáttaröðinni af Hot Ones.

Saman fóru þeir í gegnum feril Goldblum á skemmtilegan hátt eins og sjá má hér að neðan.