Sjáðu markaveislu Arsenal og það helsta úr stórleiknum á Anfield

Arsenal burstaði Fulham, Chelsea vann öruggan sigur á Southampton og toppliðin Manchester City og Liverpool gerðu markalaust jafntefli þegar áttunda umferð ensku úrvalsdeildarinnar kláraðist í gær.

Alexandre Lacazette og Pierre-Emerick Aubameyang gerðu tvö mörk hvor í 5-1 sigri Arsenal á nýliðum Fulham. Jafnt var með liðunum 1-1 í hálfleik en í þeim seinni kláruðu Skytturnar leikinn.

Eden Hazard hélt áfram að skora fyrir Chelsea sem sótti Southampton heim. Hann skoraði fyrsta mark Chelsea í 3-0 sigri og lagði upp það síðasta fyrir Alvaro Morata í uppbótartíma seinni hálfleiks.

Stærsti leikur umferðarinnar fór fram á Anfield þar sem toppliðin Liverpool og Manchester City mættust. Ekkert mark kom í þann leik og er Chelsea nú komið upp að hlið liðanna tveggja á toppnum, öll þrjú eru með 20 stig eftir 8 leiki.

Öll helstu atvik úr leikjunum má sjá í klippunum hér að neðan.

Liverpool - Manchester City 0-0

Fulham - Arsenal 1-5

Southampton - Chelsea 0-3