Rekstur Bakkaganga í uppnámi Aðalheiður Ámundadóttir skrifar 19. október 2018 06:00 Jarðgöngin voru tekin í notkun fyrir rúmu ári síðan og kostuðu ríkið hátt á fjórða milljarð. Mynd/Gaukur Hjartarson Enginn kannast við að eiga eða bera ábyrgð á rekstri jarðganga sem kostuðu hátt á fjórða milljarð úr ríkissjóði og eru hluti stórrar ríkisframkvæmdar vegna stóriðjuuppbyggingarinnar á Bakka við Húsavík. Í bréfi forstjóra Vegagerðarinnar til byggðarráðs Norðurþings kemur fram að göngin séu ekki á forræði Vegagerðarinnar. Stofnunin muni þar af leiðandi ekki þjónusta göngin og afskiptum af þeim verði formlega hætt frá og með 1. nóvember næstkomandi. „Við lítum svo á að við megum ekki þjónusta göngin, þau eru ekki hluti af þjóðvegakerfinu og engin almenn umferð leyfð um þau. Þess vegna má vegagerðin ekki nota opinbert fé til að þjónusta þau,“ segir G. Pétur Matthíasson, upplýsingafulltrúi Vegagerðarinnar, og bætir við: „Við fengum bara það hlutverk að byggja göngin og við höfum lokið því verki.“ „Ríkið á þessi göng, það er ekkert að fara að breytast. Ríkið kostaði þessu til og nú þarf að leysa úr því hvernig á að þjónusta þau,“ segir Kristján Þór Magnússon, sveitarstjóri Norðurþings, og lætur þess getið að hann ætli ekki að taka við göngunum. Fyrrgreint erindi Vegagerðarinnar var til umræðu í byggðarráði Norðurþings 15. október síðastliðinn og í bókun ráðsins um málið segir að útilokað sé að sveitarfélagið muni taka að sér rekstur og viðhald ganganna.Kristján Þór Magnússon, sveitarstjóri Norðurþings. Fréttablaðið/Auðunn„Málið er komið í einhvern hnút sem enginn virðist vita hvernig eigi að leysa,“ segir Kristján um stöðu málsins. Hann segir það sitja fast í einhverri ráðuneytapólitík í fjármála-, atvinnuvega- og í samgöngu- og sveitarstjórnarráðuneytinu. Göngin voru upphaflega á forræði atvinnuvegaráðuneytisins en um uppbygginguna á Bakka og fjármögnun hennr voru sett sérstök lög árið 2013. Áætlaður kostnaður við gangagerðina var upphaflega 1,8 milljarðar en síðar kom í ljós að kostnaðurinn var stórlega vanáætlaður. Ekki var til að mynda gert ráð fyrir neinum kostnaði við hönnun ganganna. Því fékk Vegagerðin aukaframlög í fjárlögum fyrir árin 2015 og 2016 og heildarkostnaður við byggingu ganganna var hátt á fjórða milljarð. Sú þjónusta sem enginn virðist bera ábyrgð á lýtur, að sögn Kristjáns, fyrst og fremst að því að halda veginum opnum um vetrartímann. Þar fari um stórir bílar og ævintýralega þungir. Þeir sjái um að flytja hráefni milli athafnasvæðisins á Bakka og hafnarsvæðisins og akstursskilyrðin þurfi því að vera góð. „Það væri bara alveg agalegt ef þetta yrði til þess að það þurfi að fara að keyra efni á smærri bílum og í gegnum bæinn með tilheyrandi ónæði og slysahættu,“ segir Kristján. Hann tekur fram að þótt göngin séu á hafnverndarsvæði séu þau öllum opin sem fara þurfi um iðnaðarsvæðið á Bakka. Til framtíðar sjái menn einnig fyrir sér frekari umferð um veginn og göngin enda mikið um þungaflutninga að austan til dæmis með eldisfisk og fleira. „Við höfum hugsað okkur gott til glóðarinnar til framtíðar um að vegurinn muni með tíð og tíma tengjast 85 þjóðveginum og þá verði hægt að rúlla sér þarna niður eftir beina leið, þannig að þetta er ekki bara einhver vegur sem er eingöngu ætlaður PCC,“ segir Kristján og bendir á að farið hafi verið yfir alla framkvæmdina með ESA og gæta þurfi að öllu sem flokkast geti til ívilnana til fyrirtækisins. Ekki náðist í neinn þeirra ráðherra sem haft gæti málið á sínu borði í gær en starfsmenn umræddra ráðuneyta sem Fréttablaðið náði tali af bentu ýmist á önnur ráðuneyti eða sögðust ekki þekkja til málsins. Síðdegis í gær náðist í Sigtrygg Magnason, aðstoðarmann Sigurðar Inga Jóhannssonar, samgöngu- og sveitarstjórnarráðherra, sem sagði málið til skoðunar milli ráðuneytanna þriggja. Birtist í Fréttablaðinu Norðurþing Mest lesið Vilja að ríkisstarfsmenn starfi til 73 ára aldurs Innlent Alþingi hafi mistekist að tryggja þjóðinni eðlilegan hlut Innlent Indland gerir árás á Pakistan Erlent Moskítóflugur muni koma til Íslands Innlent Borin út úr Bríetartúni: „Það er búið að ræna mig öllu“ Innlent „Hún gat ekki gefið neinar skýringar á þessu, hvorki mér né lögreglunni“ Innlent Boða sprengingar við Hvammsvirkjun í allt sumar Innlent Trump um kaupin á Kanada: „Aldrei segja aldrei“ Erlent Ekki inni í myndinni að fyrirkomulag hvalveiða haldist óbreytt Innlent Áberandi ráðamenn „keppist við að hnykla vöðva sína, beita hótunum og þvingunum“ Innlent Fleiri fréttir Vilja að ríkisstarfsmenn starfi til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund „Hún gat ekki gefið neinar skýringar á þessu, hvorki mér né lögreglunni“ Konan í Bríetartúni komin á götuna Hækkandi matarverð hringir bjöllum hjá ráðherra Viðvörunarbjöllur óma vegna verðhækkana Lítur það grafalvarlegum augum ef ráðherra fari ekki að lögum Treystir Ingu til að leggja mat á hæfi stjórnarmanna og að lögum sé fylgt Konungshjónin tóku á móti Höllu og Birni Hasar við Bríetartún 20: Verið að bera konuna út „Þetta er salami-leiðin“ Gunnlaugur Claessen er látinn Bætir í vind og úrkomu í kvöld Sjá meira
Enginn kannast við að eiga eða bera ábyrgð á rekstri jarðganga sem kostuðu hátt á fjórða milljarð úr ríkissjóði og eru hluti stórrar ríkisframkvæmdar vegna stóriðjuuppbyggingarinnar á Bakka við Húsavík. Í bréfi forstjóra Vegagerðarinnar til byggðarráðs Norðurþings kemur fram að göngin séu ekki á forræði Vegagerðarinnar. Stofnunin muni þar af leiðandi ekki þjónusta göngin og afskiptum af þeim verði formlega hætt frá og með 1. nóvember næstkomandi. „Við lítum svo á að við megum ekki þjónusta göngin, þau eru ekki hluti af þjóðvegakerfinu og engin almenn umferð leyfð um þau. Þess vegna má vegagerðin ekki nota opinbert fé til að þjónusta þau,“ segir G. Pétur Matthíasson, upplýsingafulltrúi Vegagerðarinnar, og bætir við: „Við fengum bara það hlutverk að byggja göngin og við höfum lokið því verki.“ „Ríkið á þessi göng, það er ekkert að fara að breytast. Ríkið kostaði þessu til og nú þarf að leysa úr því hvernig á að þjónusta þau,“ segir Kristján Þór Magnússon, sveitarstjóri Norðurþings, og lætur þess getið að hann ætli ekki að taka við göngunum. Fyrrgreint erindi Vegagerðarinnar var til umræðu í byggðarráði Norðurþings 15. október síðastliðinn og í bókun ráðsins um málið segir að útilokað sé að sveitarfélagið muni taka að sér rekstur og viðhald ganganna.Kristján Þór Magnússon, sveitarstjóri Norðurþings. Fréttablaðið/Auðunn„Málið er komið í einhvern hnút sem enginn virðist vita hvernig eigi að leysa,“ segir Kristján um stöðu málsins. Hann segir það sitja fast í einhverri ráðuneytapólitík í fjármála-, atvinnuvega- og í samgöngu- og sveitarstjórnarráðuneytinu. Göngin voru upphaflega á forræði atvinnuvegaráðuneytisins en um uppbygginguna á Bakka og fjármögnun hennr voru sett sérstök lög árið 2013. Áætlaður kostnaður við gangagerðina var upphaflega 1,8 milljarðar en síðar kom í ljós að kostnaðurinn var stórlega vanáætlaður. Ekki var til að mynda gert ráð fyrir neinum kostnaði við hönnun ganganna. Því fékk Vegagerðin aukaframlög í fjárlögum fyrir árin 2015 og 2016 og heildarkostnaður við byggingu ganganna var hátt á fjórða milljarð. Sú þjónusta sem enginn virðist bera ábyrgð á lýtur, að sögn Kristjáns, fyrst og fremst að því að halda veginum opnum um vetrartímann. Þar fari um stórir bílar og ævintýralega þungir. Þeir sjái um að flytja hráefni milli athafnasvæðisins á Bakka og hafnarsvæðisins og akstursskilyrðin þurfi því að vera góð. „Það væri bara alveg agalegt ef þetta yrði til þess að það þurfi að fara að keyra efni á smærri bílum og í gegnum bæinn með tilheyrandi ónæði og slysahættu,“ segir Kristján. Hann tekur fram að þótt göngin séu á hafnverndarsvæði séu þau öllum opin sem fara þurfi um iðnaðarsvæðið á Bakka. Til framtíðar sjái menn einnig fyrir sér frekari umferð um veginn og göngin enda mikið um þungaflutninga að austan til dæmis með eldisfisk og fleira. „Við höfum hugsað okkur gott til glóðarinnar til framtíðar um að vegurinn muni með tíð og tíma tengjast 85 þjóðveginum og þá verði hægt að rúlla sér þarna niður eftir beina leið, þannig að þetta er ekki bara einhver vegur sem er eingöngu ætlaður PCC,“ segir Kristján og bendir á að farið hafi verið yfir alla framkvæmdina með ESA og gæta þurfi að öllu sem flokkast geti til ívilnana til fyrirtækisins. Ekki náðist í neinn þeirra ráðherra sem haft gæti málið á sínu borði í gær en starfsmenn umræddra ráðuneyta sem Fréttablaðið náði tali af bentu ýmist á önnur ráðuneyti eða sögðust ekki þekkja til málsins. Síðdegis í gær náðist í Sigtrygg Magnason, aðstoðarmann Sigurðar Inga Jóhannssonar, samgöngu- og sveitarstjórnarráðherra, sem sagði málið til skoðunar milli ráðuneytanna þriggja.
Birtist í Fréttablaðinu Norðurþing Mest lesið Vilja að ríkisstarfsmenn starfi til 73 ára aldurs Innlent Alþingi hafi mistekist að tryggja þjóðinni eðlilegan hlut Innlent Indland gerir árás á Pakistan Erlent Moskítóflugur muni koma til Íslands Innlent Borin út úr Bríetartúni: „Það er búið að ræna mig öllu“ Innlent „Hún gat ekki gefið neinar skýringar á þessu, hvorki mér né lögreglunni“ Innlent Boða sprengingar við Hvammsvirkjun í allt sumar Innlent Trump um kaupin á Kanada: „Aldrei segja aldrei“ Erlent Ekki inni í myndinni að fyrirkomulag hvalveiða haldist óbreytt Innlent Áberandi ráðamenn „keppist við að hnykla vöðva sína, beita hótunum og þvingunum“ Innlent Fleiri fréttir Vilja að ríkisstarfsmenn starfi til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund „Hún gat ekki gefið neinar skýringar á þessu, hvorki mér né lögreglunni“ Konan í Bríetartúni komin á götuna Hækkandi matarverð hringir bjöllum hjá ráðherra Viðvörunarbjöllur óma vegna verðhækkana Lítur það grafalvarlegum augum ef ráðherra fari ekki að lögum Treystir Ingu til að leggja mat á hæfi stjórnarmanna og að lögum sé fylgt Konungshjónin tóku á móti Höllu og Birni Hasar við Bríetartún 20: Verið að bera konuna út „Þetta er salami-leiðin“ Gunnlaugur Claessen er látinn Bætir í vind og úrkomu í kvöld Sjá meira