Stjörnuspá Siggu Kling - Meyjan: Þarft að endurnýja gömul tengsl

Elsku hjartans Meyjan mín, þú ert á tímabili þar sem töfrar eru í allt í kring,  þú hefur töluna ellefu í kringum þig sem eru jú tveir ásar og núna þarftu að safna fólki í þitt lið eins og þú værir að velja fólk í landsliðið þitt því þú ert á því ári sem þú ert fyrirliði í liðinu þínu eða lífinu þínu og það eru svo sannarlega margir sem hafa komið nálægt þér, lífinu þínu og þinni orku í gegnum árin. Skrifaðu niður fimm eða tíu manns sem hafa skipt þig meginmáli og settu það að markmiði að hafa samband við þá sem eru á lífi innan viss tímabils, þú þarft nefnilega að endurnýja gömul tengsl, vináttu og úr hverju þú ert í raun og veru búin til.

Þú ert staðföst og metnaðargjörn týpa og hæfileikann til að vera algjör nagli og ólíklegasta fólk mun fylgja þér en það er þitt að kalla það fólk saman. Þú getur næstum því drepist úr þrjósku og getur þar af leiðandi dregið þig í hlé frá lífinu og gefist upp því þú heldur að þitt lið sé að tapa.

Þú skalt frekar tileinka þér að gera eins og landinn gerði að kalla á „Húið“. Þegar mig vantar kraft set ég hendurnar upp til himins og húa mig inn í kraftmikla orku. Það er búið vera stormasamt hjá þér undanfarið ár en þú hefur svo sannarlega styrkleikann til að vera fyrirliðinn í þessu lífsins kapphlaupi.

Þinn styrkur snýst um góðmennsku, ekki yfirráð -  þú skalt bara virkja leikgleðina því að þú þarft bæði að kunna leikinn sem tengir þig við lífið og hafa gaman að hinu. Tækifærin sem byrjuðu 2017 og möguleikarnir sem þú sást fyrir þér þá eru svo líklegir til að virkjast núna árið 2018 og febrúar og mars sem eru að sjálfsögðu búnir en líka apríl eru að klukka þig og segja: „Þú ert ann“.

Skilaboðin þín eru: Hú, Hú, Hú

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona.