Rouhani hvetur múslimsk ríki til að endurskoða viðskiptatengsl við Bandaríkin

Hassan Rouhani, forseti Íran, biðlaði til múslimskra ríkja að endurskoða viðskiptasamband sitt við Bandaríkin vegna útspils Bandaríkjastjórnar að flytja sendiráð sitt frá Tel Aviv til Jerúsalem.

Þetta sagði Rouhani í ræðu sem hann hélt í dag á ráðstefnu Samtaka múslimskra ríkja (OIC) í Miklagarði. Ræðan var einnig í beinni útsendingu í ríkissjónvarpi Írana. Þetta kemur fram á vef Reuters.

Auk þess að leggja til við múslimsk ríki að hugsa viðskipti við Bandaríkin upp á nýtt hvatti Rouhani þau einnig til þess að slíta á öll tengsl við Ísrael.