14 ára meðal 100 áhrifamestu einstaklinga heims

14 ára gamla leikkonan Millie Bobby Brown komst á lista Time tímaritsins yfir áhrifamestu einstaklingana í heiminum fyrir árið 2018. Hún er yngsti einstaklingurinn til þess að komast á þennan lista Time. Aðrir sem komust á listann eru Harry Bretaprins, Meghan Markle og rapparinn Cardi B. 

Brown skaust hratt upp á stjörnuhimininn eftir að hún lék í Netflix seríunni Stranger things og er hún nú farin að skoða sig um í Hollywood, í leit að nýjum hlutverkum. Hún var aðeins 12 ára þegar hún lék í fyrstu seríu þáttanna.