FH-ingurinn Arna Stefanía Guðmundsdóttir hrósaði sigri í 400 metra hlaupi á Norðurlandamótinu innanhúss sem fer fram í Tampare í Finnlandi.
Arna Stefanía kom í mark á 54,21 sekúndu og var efst í sínum riðli. Enginn í seinni riðlinum náði að bæta árangur Örnu Stefaníu. Viivi Lehikoinen frá Finnlandi var með næstbesta tímann, 54,56 sekúndur.
Arna Stefanía byrjar árið 2017 af krafti en hún setti mótsmet í 400 metra hlaupi á Reykjavíkurleikunum um síðustu helgi. Í leiðinni tryggði hún sér þátttökurétt á EM í Belgrad 3.-5. mars næstkomandi.
Sameiginlegt lið Íslands og Danmerkur náði 2. sæti í 4x300 metra hlaupi á NM innanhúss í dag.
Ívar Kristinn Jasonarson og Trausti Stefánsson voru fulltrúar Íslands í liðinu. Dansk/íslenska liðið hjóp á 2:16,24 mínútum.
Arna Stefanía kom fyrst í mark í Finnlandi
Tengdar fréttir
Arna Stefanía tók Íslandsmetið af Anítu og tryggði sig inn á EM í Belgrad
Arna Stefanía Guðmundsdóttir úr FH setti mótsmet í 400 metra hlaupi í frjálsíþróttakeppni Reykjaíkurleikanna og hún náði einnig lágmarki fyrir Evrópumótið í Belgrad sem fer fram 3. til 5. mars næstkomandi.
