Vilja opna á meira millilandaflug úr Reykjavík með hljóðlátari þotum Kristján Már Unnarsson skrifar 21. júlí 2017 18:30 Jón Karl Ólafsson, framkvæmdastjóri flugvallasviðs Isavia. Stöð 2/Sindri Reyr Einarsson. Isavia vill að opnað verði á meira millilandaflug frá Reykjavíkurflugvelli, bæði til að létta á Keflavíkurflugvelli og til að stytta ferðatíma flugfarþega. Fjallað var um málið í fréttum Stöðvar 2 og rætt við Jón Karl Ólafsson, framkvæmdastjóra flugvallasviðs Isavia. Sú ákvörðun British Airways að hefja beint flug til Keflavíkur frá London City-flugvellinum gæti stytt ferðatíma farþega úr miðborg Lundúna um eina til tvær klukkustundir þar sem fljótlegra er að komast út á flugvöllinn og innritunartími þar er helmingi styttri en á öðrum völlum borgarinnar. Þotur af gerðinni Embraer verða notaðar í fluginu milli London City-vallarins og Keflavíkur en þær taka 76 til 98 farþega.Mynd/British Airways.En þá vaknar sú spurning hvort ekki mætti nota Reykjavíkurflugvöll með sama hætti og ná þannig ennþá meiri styttingu ferðatíma milli höfuðborga Bretlands og Íslands. Þetta er raunar það sem Isavia vill að verði leyft, að sögn framkvæmdastjóra flugvallasviðs, sem segir Isavia í viðræðum um að breyta reglum Reykjavíkurflugvallar. „Við erum að ræða við yfirvöld og reyna að athuga hvort það sé ekki hægt að fá þessu banni, - eða þessum reglum breytt, - að því leyti að þær verði þá opnari þannig að það sé hægt að stunda meira flug hér út. Þannig að við erum að beita okkur í því, já, að fá að minnsta kosti umræðu í gang um málið,“ segir Jón Karl. Áætlunarflug til Færeyja er frá Reykjavíkurflugvelli með þessari Airbus A319-þotu.Mynd/Egill Aðalsteinsson.Millilandaflug hefur raunar ætíð verið stundað frá Reykjavíkurflugvelli en áætlunarflug er þó aðeins leyft með undanþágum til Grænlands og Færeyja. Jón Karl bendir á að meðan Keflavíkurflugvöllur sé orðinn þéttsetinn sé völlurinn í Reykjavík vannýttur. „Reykjavíkurflugvöllur er einn af þeim völlum sem væri hægt að nota hugsanlega til að létta álagið, eða dreifa aðeins betur álaginu, eins og það er í dag. Því að það er í sjálfu sér óþarfi að láta fullkominn flugvöll standa hérna án þess að hann sé nýttur eins og hægt er.“ Jón Karl telur að andstaða gegn þotuflugi frá Reykjavík geti skýrst af því að menn óttist aukinn hávaða. „Menn halda að það sé ónæði af þessu. En það er raunverulega ekki alveg rétt því að þessar nýju flugvélar, sem um er að ræða, eins og þessar Embraer-þotur, sem British Airways er að nota, eru mjög hljóðlátar, - og raunar hljóðlátari heldur en þær vélar sem eru að fljúga inn á völlinn í dag.“ Þessi Bombardier CS-300-þota lenti á Reykjavíkurflugvelli í fyrrahaust.Stöð 2/Baldur Hrafnkell Jónsson.Flugstöðin er ekki upp á marga fiska en flugbrautirnar duga flestum nýjum gerðum farþegaþotna af smærri gerðinni. „Þetta eru 100-130 sæta flugvélar og þær þurfa þetta á bilinu 1.200-1.400 metra brautir, sem er svipað og brautirnar hér í Reykjavík eru.“ Tveir þriðju hlutar landsmanna búa í innan við fimmtán kílómetra radíus frá Reykjavíkurflugvelli og, að mati Jóns Karls, fengist verulegt hagræði með styttingu ferðatíma. „Þetta myndi stytta ferðatíma verulega. Þú þyrftir að mæta mun seinna á völlinn. Þú gætir hugsanlega verið með innritun klukkutíma fyrir brottför hér í Reykjavík, sem þarf tvo tíma á stærri flugvöllum. Þannig að þetta myndi geta verið verulegt hagræði fyrir farþega,“ segir Jón Karl. Hér má sjá frétt Stöðvar 2: Tengdar fréttir Hljóðlátasta þota heims þurfti hálfa flugbrautina Nýjasta stolt kanadískrar flugvélaframleiðslu, stærsta farþegaþota Bombardier, millilenti í Reykjavík eftir flugprófanir og sýningarflug í Evrópu. 7. október 2016 21:43 Stytta ferðatímann milli London og Keflavíkur Breska flugfélagið British Airways hefur ákveðið að hefja beint flug til Íslands í haust frá London City-flugvellinum sem styttir ferðatímann frá miðborg Lundúna. 19. júlí 2017 20:30 Mest lesið Hvetja ráðuneytið til að kynna sér málið og leiðrétta rangfærslur Innlent Rúmlega 300 ökumenn sviptir eða sektaðir í dag á Kringlumýrarbraut Innlent Sautján ára drengur drukknaði á Hróarskeldu Erlent Táningsstúlkan sem lést var að teyma íslenskan hest Erlent Fjölskyldan franska sendi ættingjum erfðaskrá frá Íslandi Innlent Umræður um veiðigjaldafrumvarpið slá nýtt met Innlent Reykjanesbraut verður öll orðin tvöföld fyrir veturinn Innlent Hælisleitandi fór huldu höfði í þrjú ár og fleygði sér svo niður stiga Innlent Bubbi gerir sögulegan samning um eigin líkindi til allrar framtíðar Innlent Játar að hafa myrt fjórmenningana í Idaho Erlent Fleiri fréttir Hvetja ráðuneytið til að kynna sér málið og leiðrétta rangfærslur Umræður um veiðigjaldafrumvarpið slá nýtt met Reykjanesbraut verður öll orðin tvöföld fyrir veturinn Landvernd gagnrýnir skerðingar á aðgengi almennings að Heiðmörk Stjórnarandstaða setji ný viðmið á þingi sem ógni lýðræðinu Rúmlega 300 ökumenn sviptir eða sektaðir í dag á Kringlumýrarbraut Telur að allt fari í skrúfuna verði ekki brugðist við Bubbi gerir sögulegan samning um eigin líkindi til allrar framtíðar Ólafur Thors og Bjarni Ben sneru sér við í kaldri gröf Fjölskyldan franska sendi ættingjum erfðaskrá frá Íslandi Ótti um að allt fari í skrúfuna, Bubbi og pattstaða „Jú, jú, þetta er orðið málþóf“ Borgin sé ekki að refsa Grafarvogsbúum Pilturinn áfrýjar ekki þyngsta mögulega dómi Bætur Hugins lækkaðar og máli Vinnslustöðvarinnar vísað frá Samfylkingin í stórsókn á landsbyggðinni „Erum við að kenna börnunum okkar að vinna?“ Bærinn sagði nei við fyrsta kosti lögreglu Þinglok 2026 verði 12. júní „Eftir höfðinu dansa limirnir“ Hvalfjarðargöng opin á ný Gagnrýni Bryndísar á málþóf frá 2019 vekur athygli Skipuð nýr skrifstofustjóri í innviðaráðuneytinu Hiti á þingi: „Hættið þessu bara“ Hafa lokið rannsókn á Samherjamálinu Skildi illa við bálhyttuna og úr varð eldur Kjósa um að sameina Skorradalshrepp við Borgarbyggð Hælisleitandi fór huldu höfði í þrjú ár og fleygði sér svo niður stiga „Úrræðaleysi“ og „lausatök“ sögð einkenna yfirstjórn heilbrigðismála Ríkisendurskoðun gagnrýnir lausatök í heilbrigðismálum Sjá meira
Isavia vill að opnað verði á meira millilandaflug frá Reykjavíkurflugvelli, bæði til að létta á Keflavíkurflugvelli og til að stytta ferðatíma flugfarþega. Fjallað var um málið í fréttum Stöðvar 2 og rætt við Jón Karl Ólafsson, framkvæmdastjóra flugvallasviðs Isavia. Sú ákvörðun British Airways að hefja beint flug til Keflavíkur frá London City-flugvellinum gæti stytt ferðatíma farþega úr miðborg Lundúna um eina til tvær klukkustundir þar sem fljótlegra er að komast út á flugvöllinn og innritunartími þar er helmingi styttri en á öðrum völlum borgarinnar. Þotur af gerðinni Embraer verða notaðar í fluginu milli London City-vallarins og Keflavíkur en þær taka 76 til 98 farþega.Mynd/British Airways.En þá vaknar sú spurning hvort ekki mætti nota Reykjavíkurflugvöll með sama hætti og ná þannig ennþá meiri styttingu ferðatíma milli höfuðborga Bretlands og Íslands. Þetta er raunar það sem Isavia vill að verði leyft, að sögn framkvæmdastjóra flugvallasviðs, sem segir Isavia í viðræðum um að breyta reglum Reykjavíkurflugvallar. „Við erum að ræða við yfirvöld og reyna að athuga hvort það sé ekki hægt að fá þessu banni, - eða þessum reglum breytt, - að því leyti að þær verði þá opnari þannig að það sé hægt að stunda meira flug hér út. Þannig að við erum að beita okkur í því, já, að fá að minnsta kosti umræðu í gang um málið,“ segir Jón Karl. Áætlunarflug til Færeyja er frá Reykjavíkurflugvelli með þessari Airbus A319-þotu.Mynd/Egill Aðalsteinsson.Millilandaflug hefur raunar ætíð verið stundað frá Reykjavíkurflugvelli en áætlunarflug er þó aðeins leyft með undanþágum til Grænlands og Færeyja. Jón Karl bendir á að meðan Keflavíkurflugvöllur sé orðinn þéttsetinn sé völlurinn í Reykjavík vannýttur. „Reykjavíkurflugvöllur er einn af þeim völlum sem væri hægt að nota hugsanlega til að létta álagið, eða dreifa aðeins betur álaginu, eins og það er í dag. Því að það er í sjálfu sér óþarfi að láta fullkominn flugvöll standa hérna án þess að hann sé nýttur eins og hægt er.“ Jón Karl telur að andstaða gegn þotuflugi frá Reykjavík geti skýrst af því að menn óttist aukinn hávaða. „Menn halda að það sé ónæði af þessu. En það er raunverulega ekki alveg rétt því að þessar nýju flugvélar, sem um er að ræða, eins og þessar Embraer-þotur, sem British Airways er að nota, eru mjög hljóðlátar, - og raunar hljóðlátari heldur en þær vélar sem eru að fljúga inn á völlinn í dag.“ Þessi Bombardier CS-300-þota lenti á Reykjavíkurflugvelli í fyrrahaust.Stöð 2/Baldur Hrafnkell Jónsson.Flugstöðin er ekki upp á marga fiska en flugbrautirnar duga flestum nýjum gerðum farþegaþotna af smærri gerðinni. „Þetta eru 100-130 sæta flugvélar og þær þurfa þetta á bilinu 1.200-1.400 metra brautir, sem er svipað og brautirnar hér í Reykjavík eru.“ Tveir þriðju hlutar landsmanna búa í innan við fimmtán kílómetra radíus frá Reykjavíkurflugvelli og, að mati Jóns Karls, fengist verulegt hagræði með styttingu ferðatíma. „Þetta myndi stytta ferðatíma verulega. Þú þyrftir að mæta mun seinna á völlinn. Þú gætir hugsanlega verið með innritun klukkutíma fyrir brottför hér í Reykjavík, sem þarf tvo tíma á stærri flugvöllum. Þannig að þetta myndi geta verið verulegt hagræði fyrir farþega,“ segir Jón Karl. Hér má sjá frétt Stöðvar 2:
Tengdar fréttir Hljóðlátasta þota heims þurfti hálfa flugbrautina Nýjasta stolt kanadískrar flugvélaframleiðslu, stærsta farþegaþota Bombardier, millilenti í Reykjavík eftir flugprófanir og sýningarflug í Evrópu. 7. október 2016 21:43 Stytta ferðatímann milli London og Keflavíkur Breska flugfélagið British Airways hefur ákveðið að hefja beint flug til Íslands í haust frá London City-flugvellinum sem styttir ferðatímann frá miðborg Lundúna. 19. júlí 2017 20:30 Mest lesið Hvetja ráðuneytið til að kynna sér málið og leiðrétta rangfærslur Innlent Rúmlega 300 ökumenn sviptir eða sektaðir í dag á Kringlumýrarbraut Innlent Sautján ára drengur drukknaði á Hróarskeldu Erlent Táningsstúlkan sem lést var að teyma íslenskan hest Erlent Fjölskyldan franska sendi ættingjum erfðaskrá frá Íslandi Innlent Umræður um veiðigjaldafrumvarpið slá nýtt met Innlent Reykjanesbraut verður öll orðin tvöföld fyrir veturinn Innlent Hælisleitandi fór huldu höfði í þrjú ár og fleygði sér svo niður stiga Innlent Bubbi gerir sögulegan samning um eigin líkindi til allrar framtíðar Innlent Játar að hafa myrt fjórmenningana í Idaho Erlent Fleiri fréttir Hvetja ráðuneytið til að kynna sér málið og leiðrétta rangfærslur Umræður um veiðigjaldafrumvarpið slá nýtt met Reykjanesbraut verður öll orðin tvöföld fyrir veturinn Landvernd gagnrýnir skerðingar á aðgengi almennings að Heiðmörk Stjórnarandstaða setji ný viðmið á þingi sem ógni lýðræðinu Rúmlega 300 ökumenn sviptir eða sektaðir í dag á Kringlumýrarbraut Telur að allt fari í skrúfuna verði ekki brugðist við Bubbi gerir sögulegan samning um eigin líkindi til allrar framtíðar Ólafur Thors og Bjarni Ben sneru sér við í kaldri gröf Fjölskyldan franska sendi ættingjum erfðaskrá frá Íslandi Ótti um að allt fari í skrúfuna, Bubbi og pattstaða „Jú, jú, þetta er orðið málþóf“ Borgin sé ekki að refsa Grafarvogsbúum Pilturinn áfrýjar ekki þyngsta mögulega dómi Bætur Hugins lækkaðar og máli Vinnslustöðvarinnar vísað frá Samfylkingin í stórsókn á landsbyggðinni „Erum við að kenna börnunum okkar að vinna?“ Bærinn sagði nei við fyrsta kosti lögreglu Þinglok 2026 verði 12. júní „Eftir höfðinu dansa limirnir“ Hvalfjarðargöng opin á ný Gagnrýni Bryndísar á málþóf frá 2019 vekur athygli Skipuð nýr skrifstofustjóri í innviðaráðuneytinu Hiti á þingi: „Hættið þessu bara“ Hafa lokið rannsókn á Samherjamálinu Skildi illa við bálhyttuna og úr varð eldur Kjósa um að sameina Skorradalshrepp við Borgarbyggð Hælisleitandi fór huldu höfði í þrjú ár og fleygði sér svo niður stiga „Úrræðaleysi“ og „lausatök“ sögð einkenna yfirstjórn heilbrigðismála Ríkisendurskoðun gagnrýnir lausatök í heilbrigðismálum Sjá meira
Hljóðlátasta þota heims þurfti hálfa flugbrautina Nýjasta stolt kanadískrar flugvélaframleiðslu, stærsta farþegaþota Bombardier, millilenti í Reykjavík eftir flugprófanir og sýningarflug í Evrópu. 7. október 2016 21:43
Stytta ferðatímann milli London og Keflavíkur Breska flugfélagið British Airways hefur ákveðið að hefja beint flug til Íslands í haust frá London City-flugvellinum sem styttir ferðatímann frá miðborg Lundúna. 19. júlí 2017 20:30