Snoop Dogg fer á kostum við að lýsa eðluatriðinu úr Planet Earth 2

Rapparinn Snoop Dogg mætir reglulega í heimsókn til spjallþáttastjórnandans Jimmy Kimmel þar sem hinn síðarnefndi fær hann til þess að horfa á stiklur úr náttúrulífsmyndum og lýsa því sem fyrir augu ber.

Nú nýlega fékk Kimmel hann til þess að horfa á atriði úr Planet Earth 2 sem varð raunar víðfrægt þegar það var notað í kynningarefni fyrir seríuna.

Í atriðinu má sjá eðlu gera sitt allra besta til að flýja snáka sem vilja éta hana og óhætt er að segja að enginn geti lýst jafn dramatísku atriði á jafn fyndinn hátt og Snoop Dogg.

Hér að neðan má sjá þetta stórkostlega atriði auk eins annars, þar sem Snoop Dogg fer hreinlega á kostum.