Rasandi yfir ákvörðun RÚV um að sýna ómerkta Þresti fyrir háttatíma barna

Óánægja ríkir með sýningu RÚV á kvikmyndinni Þröstum í gærkvöldi.

Kvikmyndin, sem sýnd var á RÚV klukkan 21:20, segir frá unglingnum Ara sem sendur er vestur á firði til að búa hjá föður sínum. Á vef Kvikmyndaskoðunar kemur fram að myndin er bönnuð innan 12 ára á grundvelli ofbeldis, kynlífs og ljóts orðbragðs. Engin merking þess efnis var greinileg í útsendingu RÚV í gærkvöldi.

Óánægja áhorfenda beinist fyrst og fremst að því að ekki hafi verið greint frá því að Þrestir væri ekki við hæfi ungra barna. Í myndinni væru atriði sem ekki ættu erindi við börn innan 12 ára aldurs, þ.á.m. atriði sem sýnir nauðgun á drukkinni stúlku.

Í 28. grein fjölmiðlalaga segir að ekki sé heimilt að miðla efni í línulegri dagskrá sem ekki er talið við hæfi barna eftir klukkan 22 á föstudags- og laugardagskvöldum, að því tilskildu að á undan því sé birt skýr viðvörun og það sé auðkennt með sjónrænu merki.

Sýning RÚV á Þröstum var bæði utan þessa tímaramma, en hún hófst eins og áður sagði klukkan 21:20, og á hana vantaði tilskilið merki.

Í samtali við Vísi sagði Skarphéðinn Guðmundsson, dagskrárstjóri Sjónvarpsins, að RÚV hafi stuðst við mat sinnar eigin myndskoðunar.

„Svo er það alltaf ákveðið gildishlaðið álitamál hvort að myndin hefði átt að vera gulmerkt og þar af leiðandi bönnuð.“

Hér fyrir neðan má sjá athugasemdir við útsendinguna sem gerðar voru á samfélagsmiðlum í gær. Til að mynda skrif rithöfundarins Dags Hjartarsonar:

Við búum í svo frjálslyndu samfélagi að Þrestir er ekki einu sinni bönnuð innan sex ára.

— Dagur Hjartarson (@DagurHjartarson) April 14, 2017

Þetta hafði Daði Már Steinsson að segja um málið: