Svona klæða stjörnurnar af sér kuldann

Eins og sjá má á meðfylgjandi myndum láta stjörnurnar smá kulda ekki stoppa sig í að vera súpersmart. Pelsar og síðar kápur eru greinilega aðalmálið ef marka má stjörnurnar Kate Moss og Siennu Miller.

Leikkonan Sienna Miller lét sig ekki vanta á sýningu Christian Dior í París. Miller var ansi flott í blómakjól frá Dior og síðri kápu.

Fyrirsætan Gigi Hadid heimsótti skrifstofu tískuhúss Chanel í París seinasta sunnudag. Hún klæddist háglansandi buxum, skærbleikum jakka og Dr. Martens skóm á meðan systir hennar, fyrirsætan Bella Hadid, klæddist hönnun frá Baja East.

Kim Kardashian var flott að vanda þegar hún klæddist þykkum pels og víðum íþróttabuxum þar sem hún gekk um götur New York borgar í seinasta mánuði.

Rihanna var þá einstaklega smart á sýningu Christian Dior á tískuvikunni í París. Hún klæddist síðri kápu úr haustlínu Dior.

Kate Moss hélt svo á sér hita með hlýjum pels á sýningu Fendi í París. Það gerði fyrirsætan og raunveruleikastjarnan Kendall Jenner líka, en hún klæddist stuttum pels og háum buxum.

.