Anníe Mist á Instagram: Hefur þig einhvern tímann langað til að heimsækja Ísland?

Anníe Mist Þórisdóttir er með mörg hundruð þúsund fylgjendur á samfélagsmiðlum sínum og ekki síst á Instagram.

Í nýjustu færslu sinni á Instagram hvetur íslenska crossfit-stjarnan erlenda fylgjendur sína að skella sér til Íslands í janúar.

Ástæðan. Jú helgina 6. til 7. janúar næstkomandi mun árlega WOW Stronger crossfit mótið fara fram hér á landi. Anníe Mist auglýsir mótið á Instagram-síðu sinni og það verður fróðlegt að sjá hvort að umsóknum rigni ekki inn í kjölfarið.

Tæplega níu þúsund manns höfðu líkað við færsluna þegar þessi frétt er skrifuð en Anníe Mist setti færslu sína inn fyrr í dag.

 

Ever thought of visiting Iceland? Well, here is a GREAT reason to come! WOW STRONGER18 on the 6-7th of January 2018 where you have the chance to not only watch some world class athletes but compete alongside them.  Get your tickets with WOWair, link in bio for 20% discount code.

A post shared by Annie Thorisdottir (@anniethorisdottir) on Nov 7, 2017 at 3:50am PST

Íslensku crossfit-dæturnar eru fyrir löngu orðnar heimsfrægar og það má búast við að fullt af crossfit fólki munu stökkva á tækifærið að heimsækja Ísland og fá um leið að keppa við okkar öfluga crossfit fólk.

Anníe Mist Þórisdóttir hefur unnið heimsleikana tvisvar sinnum og komst á pall í fimmta sinn á síðustu heimsleikum í ágúst. Engin önnur crossfit-kona er með slíkan árangur á ferilsskrá sinni.

Keppt er  í þriggja manna liðum á WOW Stronger crossfit mótinu en liðin verða  samansett af tveimur körlum og einni konu. Keppt verður í CrossFit með áherslu á Strongman æfingar.