Gat ekki skorað fyrir West Ham en gerði þrennu á níu mínútum í gær

Ítalski framherjinn Simone Zaza fór á kostum þegar Valencia vann 5-0 sigur á Malága í spænsku úrvalsdeildinni í gær.

Zaza var lánaður til West Ham á síðasta tímabili en gerði engar rósir með Hömrunum. Hann lék 11 leiki fyrir West Ham og mistókst að skora.

Zaza yfirgaf West Ham í janúar og gekk í raðir Valencia þar sem hann hefur fundið sig betur.

Zaza var í miklum ham gegn Malága í gær og skoraði þrennu á níu mínútum. Hann er núna kominn með fjögur mörk á tímabilinu og er næstmarkahæstur í spænsku úrvalsdeildinni.

Valencia situr í 3. sæti deildarinnar með níu stig.