Serbar á toppi D-riðils

Þremur leikjum var að ljúka í undankeppni Heimsmeistaramótsins í Rússlandi.

Albanía lyfti sér upp í þriðja sæti G-riðils með 2-0 sigri á Liechtenstein.

Odise Roshi skoraði fyrsta mark Albana á 54. mínútu og Ansi Agolli gulltryggði svo sigurinn á 78. mínútu. 

Írar eru í öðru sæti D-riðils eftir 1-1 jafntefli gegn Georgíu á útivelli.

Leikmaður nýliða Brighton í ensku úrvalsdeildinni kom Írum yfir strax á 4. mínútu, en Valeri Qazaishvili jafnaði leikinn fyrir heimamenn.

Serbar eru á toppi riðilsins eftir 3-0 sigur á Moldavíu.

Mijat Gacinovic kom Serbum yfir á 20. mínútu, en nafnarnir Aleksandar Kolarov og Mitrovic skoruðu sitt hvort markið.

Síðar í kvöld fara svo fram fimm aðrir leikir í undankeppni Heimsmeistaramótsins.