Um 270 þúsund hafa flúið frá Búrma

Flóttamannastofnun Sameinuðu þjóðanna telur að um 270 þúsund rohingjamúslimar hafi flúið frá Búrma til Bangladess á einungis tveimur vikum. Það er töluverð aukning frá því í gær þegar stofnunin áætlaði í gær að um 164 þúsund manns hefðu flúið.

„Þessi aukning endurspeglar ekki endilega gífurlega aukningu heldur vitum við af fjölda fólks sem við vissum ekki áður af,“ segir talskona UNHCR samkvæmt frétt Reuters.

Rohingjafólkið segist á flótta undan átökum og ofbeldi hersins og vopnaðra hópa í Rakhine-héraði.

Átökin hófust þegar meðlimir vígahóps sem inniheldur rohingjafólk réðst á lögreglustöðvar í héraðinu. Þá hófst umfangsmikil sókn hers Búrma en flóttamenn segja herinn og vopnaða hópa fólks hafa brennt heilu þorpin til grunna og beitt rohingjafólk miklu ofbeldi.

Þá hafa blaðamenn orðið vitni að þorpum brenna.