Barcelona aftan á treyjum leikmanna

Leikmenn spænska liðsins Barcelona hafa ákveðið að spila ekki með nöfn sín aftan á treyjunum í leik liðsins gegn Real Betis á morgun, heldur standi „Barcelona“ aftan á treyjunum. Þetta gera þeir til heiðurs þeirra sem urðu fyrir hryðjuverkaárásanna á Barcelona og strandbæinn Cambrils.

Framan á treyjunum mun einnig standa #TotsSomBarcelona, sem þýðir „Við erum öll Barcelona“. Einnig mun fara fram mínútuþögn fyrir leikinn og munu leikmenn leika með sorgarbönd. 

Spænska úrvalsdeildin hefur göngu sína að nýju um helgina og mun leikur Barcelona og Real Betis verða sýndur í beinni útsendingu á Stöð 2 Sport 3 klukkan 18:10 annað kvöld.