Um tuttugu ungmenni létust í slysi við foss í Gana

Allt að tuttugu ungmenni létu lífið þegar þau urðu undir fallandi trám þegar þau voru syndandi undir fossi á vinsælum ferðamannastað í Gana síðdegis í gær.

Í frétt Guardian segir að trén hafi fallið ofan í vatnið við Kintampo-foss, hæsta foss landsins, en slæmt var í veðri.

Kintampo-foss er að finna í Brong-Ahafo-héraði í miðju Gana.

Prince Billy Anaglate, talsmaður yfirvalda, segir að átján hafi látið lífið í vatninu og tveir til viðbótar á sjúkrahúsi. Ellefu ungmenni til viðbótar særðust og er nú hlúið að þeim á sjúkrahúsi.

Flestir nemendanna voru í Wenchi gagnfræðiskólanum, en einhverjir sem urðu undir trjánum voru ferðamenn.