Óskarinn: Svona birtist Charlize Theron í írönsku sjónvarpi

Íranska sjónvarpsstöðin ILNA ákvað að bæta aðeins við kjól suður-afrísku leikkonunnar Charlize Theron í útsendingu sinni frá Óskarsverðlaunahátíðinni þar sem Theron kynnti hvaða mynd hlaut Óskarsverðlaun fyrir bestu erlendu kvikmynd ársins.

New York Times greinir frá þessu. Theron klæddist flegnum kjól og þótti íhaldssömum Írönum nóg um þannig að þeir svertu bringu og handleggi Theron með þeim afleiðingum að hún leit út fyrir að vera í svartri lopapeysu. Theron kynnti verðlaunin ásamt Shirley MacLaine.

Íranska myndin Sölumaðurinn vann verðlaunin en leikstjórinn Asghar Farhadi veitti þeim þó ekki viðtöku, heldur var lesin upp yfirlýsing frá honum þar sem hann fordæmdi ferðabann bandarískra stjórnvalda sem vakti mikinn usla í Bandaríkjunum og víðar í síðasta mánuði.

Sjá má upptöku af tilburðum írönsku sjónvarpsstöðvarinnar að neðan.