Corden rífur kvikmynd um Britney í sig

James Corden virðist ekki vera aðdáandi nýrrar kvikmyndar frá Lifetime um líf söngkonunnar Britney Spears. Hann segist hafa rekist á hana í sjónvarpinu um helgina og kallaði hana meistaraverk, í kaldhæðni.

Corden sýndi nokkur atriði úr myndinni, sem heitir Britney Ever After, í þætti sínum í gær og gerði mikið grín að henni.

Meðal annars sagði hann ljóst að framleiðendur myndarinnar hefðu eytt miklum peningum í að ráða rithöfunda og leikara, en þeir hefðu þó gleymt að kaupa réttinn til að notast við tónlist Britney Spears. Því hefði verið brugðið á það ráð að semja lög fyrir myndina.

Það er óhætt að segja að lögin séu ekki meistaraverk.