David Blaine hélt að hann væri dáinn eftir að hafa skotið sjálfan sig í munninn

Sjónhverfingarmaðurinn David Blaine komst í hann krappann á síðasta ári þegar hann skaut sjálfan sig í munninn. Sérstakur bolli sem átti að grípa kúluna rann til svo ekki mátti miklu muna að illa færi.

Þetta er meðal þess sem kemur fram í sérstökum þætti um Blaine sem meðal annars er þekktur fyrir að hafa látið grafa sig lifandi í heila viku. Þátturinn var sýndur í dag á bandarísku sjónvarpstöðinni ABC.

Í nóvember á síðasta ári var Blaine með sýningu í Las Vegas í Bandaríkjunum. Þar var hann búinn að útbúa riffill þannig að Blaine gæti hleypt af honum með því að toga í strengt. Byssunni var miðað á nákvæman hátt að munni Blaine en sérstakur bolli átti að grípa kúluna í munni Blaine.

Ekki vildi svo betur til en að bollinn hafði færst örlítið til í munni Blaine og var hann alveg viss um að hann hefði látið lífið.

„Þegar kúlan hitti í mark heyrði ég mjög hátt hljóð og högg niður í kok. Ég var alveg viss um að ég hefði látið lífið,“ sagði Blaine um atvikið.

Þá varð Blaine var við sársauka og það var þá sem hann áttaði sig á því að hann væri enn á lífi. Höggið olli því að Blaine særðist í munni en litlu mátti muna að sjónhverfingarmaðurinn frægði hefði framið sína síðustu sjónhverfingu líkt og sjá má í myndbandinu hér að neðan.