Bein útsending: Brekkusöngur Þjóðhátíðar árið 2016

Brekkusöngur Þjóðhátíðar í Vestmannaeyjar verður sýndur í beinni sjónvarpsútsendingu á Vísi og Stöð 2 auk þess að vera útvarpað á Bylgju allra landsmanna. Útsending hefst klukkan 23:15.

Ingólfur Þórarinsson, eða Ingó Veðurguð, mun leiða sönginn líkt og undanfarin ár og má búast við mikilli stemningu í Herjólfsdal á þessu lokakvöldi Þjóðhátíðar.

Dagskrá Þjóðhátíðar gerir ráð fyrir að kveikt verði á blysunum á miðnætti og tíu mínútum síðar stigi þeir Sverrir Bergmann og Halldór Gunnar Fjallabróðir á stokk. Loks munu svo Albatross og Stuðlabandið troða upp.