Stórskotalið Hreims tók Can´t Walk Away með stæl

Hreimur Örn Heimisson hefur verið með skemmtilegan spurningaþátt á Stöð 2 í sumar sem ber nafnið Nettir kettir.

Þá fær hann til sín þekkta tónlistarmenn sem keppa í spurningaleik tengdum tónlistarbransanum.

Í þættinum sem verður á dagskrá annað kvöld fékk hann til sín stórskotalið til að taka ábreiðu af Can´t Walk Away með Herberti Guðmundssyni.

Birgitta Haukdal, Jógvan Hansen, Jóhanna Rakel Jónasdóttir, Jóhanna Guðrún, Kristján Grétarsson og Friðrik Ómar negla lagið eins og þeim einum er lagið en Nettir kettir er á dagskrá Stöðvar 2 á föstudagskvöldum. Hér að ofan má sjá flutninginn.