Dansandi lögga stal senunni á Gay Pride í Stokkhólmi

Gay Pride var haldið í Stokkhólmi um síðustu helgi af miklum krafti. Fjölmargir tóku þátt og var gleðin við völd. Átti það sérstaklega við lögreglumanninn Erik sem var á staðnum til þess að sjá til þess að allt færi friðsamlega fram.

Erik gerði sér lítið fyrir og dansaði við gesti og gangandi, þeim og honum, til mikillar ánægju en sænska blaðið Aftonbladet birti eftirfarandi myndband af afrekum Erik. Þetta er þó ekki í fyrsta sinn sem Erik býður upp á danssýningu á Gay Pride í Stokkhólmi en slíkt hið sama gerði hann einnig fyrir tveimur árum.