Lítið framboð af búningum kvenhetjunnar Una Sighvatsdóttir skrifar 3. febrúar 2016 20:00 Rey er aðalhetja nýjustu Stjörnustríðsmyndarinnar en fátítt hefur verið að konur beri uppi ævintýramyndir sem hetjur. Nýju Stjörnustríðsmyndinni var fagnað af femínistum fyrir að kynna loks konu til leiks sem aðalhetjuna. Þessi feminíska vakning virðist hinsvegar ekki hafa skilað sér alla leið til leikfangaframleiðenda vestra því kvenhetjan Rey er sjaldséð í hillum verslunum eins og rætt hefur verið í þaula á Twitter undir merkinu #whereisrey. Nú er komið í ljós að það sama á við um öskudagsbúninga. Ungir Star Wars aðdáendur eiga valmöguleika í Hagkaupum um að klæða sig upp á öskudaginn eins og vondi karlinn, Kylo Ren eða eins og orrustuflugmaðurinn Finn. En aðalpersónu myndarinar, kvenhetjuna Rey, er hinsvegar hvergi að finna í hillunum.Í Hagkaup fá öskudagsbúningar tengdir helstu karlhetjunum en enginn tengdur aðalpersónunni, kvenhetjunni Rey. Búningarnir voru pantaðir hálfu ári fyrir frumsýningu myndarinnar.Vissu ekki að hún yrði aðal Gunnar Ingi Sigurðsson, framkvæmdastjóri Hagkaups, segir að skýringin sé sú að búningarnir séu pantaðir með margra mánaða fyrirvara og persónunni Rey hafi ekki verið haldið á lofti þegar birgjar kynntu vöruúrvalið, áður en myndin var frumsýnd. „Rey er náttúrulega aðalhetjan þegar hún kom á svæðið, en þegar við kaupum búningana í maí, þá vorum við ekki búin að fá það upp á borðið að hún kæmi til með að vera aðalhetjan. Þannig að við pöntuðum þetta svolítið blint, eins og kannski framleiðendur gerðu líka, þeir renna blint í sjóinn í fyrstu atrennu," segir Gunnar Ingi. Hann á von á því að framleiðendur muni fylgja vinsældum Rey eftir. „Miðað við hvernig kvenhetjan var í fyrstu myndinni þá kemurhún örugglega til með að vera framar í röðinni á næsta „seasoni". Ég held að menn séu bara að þreifa sig áfram og það er í þessu eins og öðru að það sem er vinsælt, það er framleitt meira af því."Gunnar Ingi Sigurðsson segir að Rey-búningar hafi ekki verið í boði þegar Hagkaup lagði inn sína pöntun í maí 2015. Framleiðendur hafi ekki komið því á framfæri að hún væri stór karakter í myndinni og líkleg til vinsælda.Töldu sig vita að strákar vildu ekki kvenpersónur Í lok janúar ljóstraði nafnlaus heimildamaður úr herbúðum bandaríska leikfangaframleiðandans Hasbro því upp að það hafi verið meðvituð ákvörðun stjórnenda að framleiða lítið sem ekkert af Rey leikföngum, því markaðsmenn voru vissir í sinni sannfæringu um að Stjörnustríð væri fyrir stráka og strákar vildu ekki sjá kvenhetjur. Sveinn Ólafur Lárusson, leikfangaséni hjá Nexus, segir það hafi alveg sést á sýnishornum úr myndinni að Rey yrði stór karakter. Markaðurinn hafi hinsvegar veðjað á að Kylo Ren yrði vinsælasti karakterinn, en annað hafi komið á daginn.Mátu markaðinn rangt „Í allri markaðssetningu var Kylo Ren settur fram sem nýja andlitið, það var keyrt áfram, en síðan bara kemur myndin út og þá er Rey á allra vörum. Og bara allir, krakkar, konur karlar, allir elska hana og strákar líka. Og hún er bara næstum því ófáanleg í dag," segir Sveinn. Það litla sem fékkst af Rey leikföngum seldist því nánast samstundis upp. Eftirspurn eftir kvenhetjunni er því greinilega mun meira en framboðið. Sveinn segir það hafa runnið upp fyrir framleiðendum vestra að þeir mátu markaðinn rangt. Þar megi ekki síst þakka því félagslega aðhaldi sem netsamfélagið veitir, svo sem á Twitter. Þegar næsta lína leikfanga fór í framleiðslu eftir frumsýningu myndarinnar var því snarlega bætt úr því og Sveinn segir að með næstu sendingu sé von á Rey í alls konar stærðum og útgáfum. „Það á að fara að detta inn bara núna eftir viku eða tvær vikur. Þá er ég að fá fullt af Rey."Sveinn Ólafur Lárusson, leikfangaséni hjá Nexus, segir að það virðist hafa komið markaðsöflunum á óvart hversu vinsæl Rey varð. Það sé hinsvegar augljóst að hún sé aðalhetja myndarinnar.Kvenhetjur smám saman að fá meira vægi Rey er ekki fyrsta kvenhetjan sem leikfangaframleiðendur hundsa því dæmin eru fleiri, s.s. úr Avengers kvikmyndaflokknum þar sem Svarta ekkjan er sjaldnast höfð með í leikfangasettum. Sveinn segir svolítið sannleikskorn í því mati markaðsmanna að kvenhetjur séu minna eftirsóttar, en það sé þó að breytast. „Það er alltaf einhver á einhverjum fundi sem setur fram þessa þröngsýnu hugsun að það séu bara strákar að fara að sjá þessar myndir og þetta séu bara merki fyrir stráka. En þetta er algjörlega að breytast núna. Við erum að sjá meira af kvenpersónum, hvort sem það eru ofurhetjumyndir eða Stjörnsustríð. Þetta gerist mjög hægt, en við finnum það alveg að við erum að fá meira af kvenofurhetjum í leikföngunum og núna fá þær að vera alveg með strákunum, miklu meira en áður." Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Nýtt slagorð Ísland Duty Free: „Ég er á leiðinni“ Innlent Margt ábótavant við byggingu Brákarborgar Innlent Strandveiðisjómenn vilji aftur fá kvóta sem þeir hafi selt frá sér Innlent Málinu lokið með sátt: „Við erum mjög sáttar með niðurstöðuna“ Innlent Segir nafn Trumps vera í Epstein-skjölunum Erlent Ferðamaður ók húsbíl niður göngustíg Innlent Dómur yfir Erni Geirdal mildaður Innlent Braust inn hjá vinsælum hársnyrti og hafði af honum vegabréfið Innlent Fleiri fréttir Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Sjá meira
Nýju Stjörnustríðsmyndinni var fagnað af femínistum fyrir að kynna loks konu til leiks sem aðalhetjuna. Þessi feminíska vakning virðist hinsvegar ekki hafa skilað sér alla leið til leikfangaframleiðenda vestra því kvenhetjan Rey er sjaldséð í hillum verslunum eins og rætt hefur verið í þaula á Twitter undir merkinu #whereisrey. Nú er komið í ljós að það sama á við um öskudagsbúninga. Ungir Star Wars aðdáendur eiga valmöguleika í Hagkaupum um að klæða sig upp á öskudaginn eins og vondi karlinn, Kylo Ren eða eins og orrustuflugmaðurinn Finn. En aðalpersónu myndarinar, kvenhetjuna Rey, er hinsvegar hvergi að finna í hillunum.Í Hagkaup fá öskudagsbúningar tengdir helstu karlhetjunum en enginn tengdur aðalpersónunni, kvenhetjunni Rey. Búningarnir voru pantaðir hálfu ári fyrir frumsýningu myndarinnar.Vissu ekki að hún yrði aðal Gunnar Ingi Sigurðsson, framkvæmdastjóri Hagkaups, segir að skýringin sé sú að búningarnir séu pantaðir með margra mánaða fyrirvara og persónunni Rey hafi ekki verið haldið á lofti þegar birgjar kynntu vöruúrvalið, áður en myndin var frumsýnd. „Rey er náttúrulega aðalhetjan þegar hún kom á svæðið, en þegar við kaupum búningana í maí, þá vorum við ekki búin að fá það upp á borðið að hún kæmi til með að vera aðalhetjan. Þannig að við pöntuðum þetta svolítið blint, eins og kannski framleiðendur gerðu líka, þeir renna blint í sjóinn í fyrstu atrennu," segir Gunnar Ingi. Hann á von á því að framleiðendur muni fylgja vinsældum Rey eftir. „Miðað við hvernig kvenhetjan var í fyrstu myndinni þá kemurhún örugglega til með að vera framar í röðinni á næsta „seasoni". Ég held að menn séu bara að þreifa sig áfram og það er í þessu eins og öðru að það sem er vinsælt, það er framleitt meira af því."Gunnar Ingi Sigurðsson segir að Rey-búningar hafi ekki verið í boði þegar Hagkaup lagði inn sína pöntun í maí 2015. Framleiðendur hafi ekki komið því á framfæri að hún væri stór karakter í myndinni og líkleg til vinsælda.Töldu sig vita að strákar vildu ekki kvenpersónur Í lok janúar ljóstraði nafnlaus heimildamaður úr herbúðum bandaríska leikfangaframleiðandans Hasbro því upp að það hafi verið meðvituð ákvörðun stjórnenda að framleiða lítið sem ekkert af Rey leikföngum, því markaðsmenn voru vissir í sinni sannfæringu um að Stjörnustríð væri fyrir stráka og strákar vildu ekki sjá kvenhetjur. Sveinn Ólafur Lárusson, leikfangaséni hjá Nexus, segir það hafi alveg sést á sýnishornum úr myndinni að Rey yrði stór karakter. Markaðurinn hafi hinsvegar veðjað á að Kylo Ren yrði vinsælasti karakterinn, en annað hafi komið á daginn.Mátu markaðinn rangt „Í allri markaðssetningu var Kylo Ren settur fram sem nýja andlitið, það var keyrt áfram, en síðan bara kemur myndin út og þá er Rey á allra vörum. Og bara allir, krakkar, konur karlar, allir elska hana og strákar líka. Og hún er bara næstum því ófáanleg í dag," segir Sveinn. Það litla sem fékkst af Rey leikföngum seldist því nánast samstundis upp. Eftirspurn eftir kvenhetjunni er því greinilega mun meira en framboðið. Sveinn segir það hafa runnið upp fyrir framleiðendum vestra að þeir mátu markaðinn rangt. Þar megi ekki síst þakka því félagslega aðhaldi sem netsamfélagið veitir, svo sem á Twitter. Þegar næsta lína leikfanga fór í framleiðslu eftir frumsýningu myndarinnar var því snarlega bætt úr því og Sveinn segir að með næstu sendingu sé von á Rey í alls konar stærðum og útgáfum. „Það á að fara að detta inn bara núna eftir viku eða tvær vikur. Þá er ég að fá fullt af Rey."Sveinn Ólafur Lárusson, leikfangaséni hjá Nexus, segir að það virðist hafa komið markaðsöflunum á óvart hversu vinsæl Rey varð. Það sé hinsvegar augljóst að hún sé aðalhetja myndarinnar.Kvenhetjur smám saman að fá meira vægi Rey er ekki fyrsta kvenhetjan sem leikfangaframleiðendur hundsa því dæmin eru fleiri, s.s. úr Avengers kvikmyndaflokknum þar sem Svarta ekkjan er sjaldnast höfð með í leikfangasettum. Sveinn segir svolítið sannleikskorn í því mati markaðsmanna að kvenhetjur séu minna eftirsóttar, en það sé þó að breytast. „Það er alltaf einhver á einhverjum fundi sem setur fram þessa þröngsýnu hugsun að það séu bara strákar að fara að sjá þessar myndir og þetta séu bara merki fyrir stráka. En þetta er algjörlega að breytast núna. Við erum að sjá meira af kvenpersónum, hvort sem það eru ofurhetjumyndir eða Stjörnsustríð. Þetta gerist mjög hægt, en við finnum það alveg að við erum að fá meira af kvenofurhetjum í leikföngunum og núna fá þær að vera alveg með strákunum, miklu meira en áður."
Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Nýtt slagorð Ísland Duty Free: „Ég er á leiðinni“ Innlent Margt ábótavant við byggingu Brákarborgar Innlent Strandveiðisjómenn vilji aftur fá kvóta sem þeir hafi selt frá sér Innlent Málinu lokið með sátt: „Við erum mjög sáttar með niðurstöðuna“ Innlent Segir nafn Trumps vera í Epstein-skjölunum Erlent Ferðamaður ók húsbíl niður göngustíg Innlent Dómur yfir Erni Geirdal mildaður Innlent Braust inn hjá vinsælum hársnyrti og hafði af honum vegabréfið Innlent Fleiri fréttir Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Sjá meira