Spennan magnast á Twitter: „Náði mest þremur mínútum í dag án þess að hugsa út í leikinn“

Þeir eru ófáir Íslendingarnir að missa sig úr spenningi yfir viðureign Íslands og Englands í sextán liða úrslitum Evrópumeistaramóts karla í knattspyrnu, sem hefst nú klukkan sjö. Það er greinilegt á Twitter, þar sem margir eru þegar byrjaðir að tjá sig undir myllumerkinu #emIsland.

Auðunn Blöndal fjölmiðlamaður er einn þeirra en ljóst er að leikurinn hefur verið honum ofarlega í huga í dag.

Held án gríns að ég hafi náð mest 3min í dag án þess að hugsa útí leikinn! #emisland

— Auðunn Blöndal (@Auddib) June 27, 2016

Aðrir bera spennustigið saman við það um helgina, þegar Íslendingar kusu sér nýjan forseta.

Ég ber svona 8 sinnum sterkari tilfinningar til þessa fótboltaleiks en forsetakosninganna. #EMÍsland

— Krummi (@hrafnjonsson) June 27, 2016

Enn aðrir eru þegar farnir að líta á björtu hliðina, skyldi leikurinn tapast.

Ef við töpum í kvöld náðum við allavegana sama árangri á þessu móti og núverandi Evrópumeistarar. Er það ekki eitthvað? #EMÍsland

— Gummi Fel (@GummiFel) June 27, 2016

Hægt verður að fylgjast með allri umræðunni hér fyrir neðan með myllumerkinu #emIsland og eru lesendur Vísis hvattir til að nota það með öllum færslum sem þeir setja inn á meðan leik stendur.

#emIsland Tweets