Léttist um sjötíu kíló eftir að eiginmaður hennar svipti sig lífi: Tók „selfie“ í 365 daga

Justine McCabe er 31 árs kona sem ákvað einn daginn að byrja á fullu í líkamsrækt og taka sig í gegn. Hún hafði glímt við ofþyngd í mörg ár en eftir fráfall eiginmanns hennar ákvað hún að snúa við blaðinu.

Eiginmaðurinn svipti sig lífi og snérist þá líf hennar á hvolf á einu augabragði. McCabe tók mynd af sér á hverjum einasta degi í gegnum allt ferlið en hún léttist um sjötíu kíló á stuttum tíma. Hún fór úr stærð 26 niður í stærð 12 ef litið er til breskra stærða.

Hún mætti sex sinnum í viku í ræktina og náði þessum magnaða árangri. Myndirnar tala einfaldlega sínu máli sem og myndband sem hún lét útbúa.

„Fráfall eiginmanns míns var ótrúlega erfiður tími og ég fór algjörlega á botninn. Það sem gerði þennan tíma enn erfiðari var að móðir mín hafði fallið frá stuttu áður,“ segir Justine sem er frá Los Angeles í Bandaríkjunum.

„Þegar manneskjan sem þú elskar mest í heiminum tekur eigið líf, þá hrinur veröld þín algjörlega. Aftur á móti með tímanum náði ég að vakna almennilega og átta mig á því að ég varð að gera ákveðnar breytingar á mínu lífi.“

McCabe tók „selfie“ á hverjum einasta degi í 365 daga.

„Til að byrja með fannst mér ég líta hræðalega illa út og það sást einnig hvað ég var týnd og brotin manneskja. Svo fór boltinn að rúlla og kílóin fóru að hrynja af mér. Þetta var bara algjör lífstílsbreyting, en ég hef verið í yfirþyngd síðan ég var 18 ára.“

Hér að neðan má sjá magnað myndband af ferlinu McCabe.