Kostar að leggja bíl við Sólfarið

Borgarráð Reykjavíkur hefur samþykkt að bílastæði við Sólfarið við Sæbraut verði gjaldskyld. Kosta mun 275 krónur á klukkustund að leggja þar frá klukkan níu til átján virka daga og frá klukkan tíu til sextán á laugardögum. Stæðin við listaverk Jóns Gunnars Árnasonar hafa hingað til verið gjaldfrjáls.

Í greinargerð Kolbrúnar Jónatansdóttur, framkvæmdastjóra Bílastæðasjóðs, segir að mikið hafi borið á að bílum væri lagt við Sólfarið í lengri tíma þannig að erfitt sé fyrir þá sem komi í skoðunarferðir að fá bílastæði. Átján stæði eru við Sólfarið.

Fréttin birtist fyrst í Fréttablaðinu