Færð á götum Reykjavíkur í beinni

Vefmyndavélar sem starfsmenn Reykjavíkurborgar nota til að meta færð á götum borginnar eru nú aðgengilegar öllum á vef Reykjavíkurborgar. Staðsetning vélanna tók mið af því hvar snjóþungi hefur verið mestur í borginni undanfarin ár.

Vefmyndavélar Reykjavíkurborgar eru á átta stöðum með tveimur linsum hverjum stað sem skilar sér í sextán sjónarhornum eða vefmyndum. Þá eru einnig fjórar vefmyndavélar á vegum Vegagerðarinnar aðgengilegar á vef Reykjavíkurborgar og því geta borgarbúar, sem og aðrir, valið milli 29 mynda eða sjónarhorna á götur í Reykjavík.

„Vefmyndavélarnar auðvelda okkur að meta færðina og taka ákvörðun um hvenær við köllum út snjóruðningstæki og saltbíla,“ segir Þröstur Ingólfur Víðisson yfirverkstjóri vetrarþjónustu Reykjavíkurborgar.

Sjá má myndirnar úr myndavélunum hér.