María Guðmunds lagði undir sig Prikið

Það ætlaði allt um koll að keyra þegar plötusnúðurinn María Guðmunds kom fram á skemmtistaðnum Prikið í gærkvöldi. María hóf plötusnúðarferil sinn í sjónvarpsþáttunum Ghetto Betur sem sýndir eru á Stöð 2 og reis beint til hæstu hæða í bransanum. Núverandi fastagestir Priksins bliknuðu þegar María tók í græjurnar og sýndi þeim hvernig málum var háttað „back in da day“ eins og þeir orða það í úthverfunum.

Sjá má klippu af stemmingunni í myndbandi hér að ofan en ljóst er María hefur nú þegar skapað sér sess á meðal goðsagnakenndra íslenskra plötusnúða.

Steindi Jr. hefur sjálfur séð um umboðsmennsku fyrir Maríu og virðist vera nóg um verkefni á næstunni.

Sjá má þau Steinda og Maríu saman í Ghetto Betur í kvöld kl. 19:55 á Stöð 2 en þar keppir lið Breiðholts við lið Flateyjar. Ómissandi skemmtun.