Messi: Vonandi tapar Real gegn Atletico

Lionel Messi, stjarna Barcelona, segir að enginn hjá félaginu vilji sjá Real Madrid vinna Meistaradeildina.

Barcelona tapaði í undanúrslitum keppninnar gegn Atletico Madrid og Atletico mun spila gegn nágrannaliði sínu, Real, í úrslitaleiknum.

„Það er alveg klárt að enginn hjá Barcelona vill sjá Real Madrid vinna nokkurn skapaðan hluti,“ sagði Messi sem er nú ekki þekktur fyrir að koma með slíkar sleggjur.

„Það myndi gleðja Barcelona mikið ef Atletico nær að vinna Real í úrslitaleiknum. Atletico hefur staðið sig frábærlega og það er ekki auðvelt að vinna þá. Atletico á skilið mikið hrós fyrir sína frammistöðu.“

Þó svo Barcelona vinni ekki Meistaradeildina í ár þá er liðið nánast búið að vinna spænsku deildina og getur líka unnið bikarinn.