Ný auglýsing Gyðja Collection vekur blendin viðbrögð: Ekki nóg að fá Lalla á lagernum á kameruna

Gyðja Collection hefur framleitt skó- og fylgihlutalínur og þrjú íslensk ilmvötn; Eyjafjallajökul, Vatnajökul og Heklu á undanförnum árum.

Á dögunum gaf fyrirtækið út glænýja auglýsingu og má þar sjá fáklæddar konur í eltingarleik við vopnaða menn. Sigrún Lilja Guðjónsdóttir, sem er oftar en ekki í forsvari fyrir Gyðja Collection, fer með aðalhlutverkið í auglýsingunni en hún hefur vakið mikla athygli.

„Svona gerist þegar þú notar ekki fagaðila til að gera auglýsinguna þína. Það er ekki nóg að fá Lalla á lagernum af því hann á svona „kameru“ eða hringja í Sigga frænda því hann á klippiforrit, til að gera þetta fyrir þig,“ segir Guðni Halldórsson, starfsmaður Sagafilm, í stöðufærslu á Facebook. Dæmi hver fyrir sig.

Hér að neðan má sjá stöðufærsluna og sjá auglýsinguna.