Tyra Banks og Erik Asla eignast dreng

Bandaríska fyrirsætan Tyra Banks og norskur kærasti hennar, Erik Asla, hafa eignast son.

Hin 42 ára Banks greindi frá því á Instagram-síðu sinni að parið hafi eignast soninn með aðstoð staðgöngumóður. Banks segir drenginn vera með augu og fingur Banks og munn og höku Asla.

Drengurinn hefur fengið nafnið York Banks Asla.

Síðla síðasta sumars ræddi Banks opinskátt um þá ófrjósemi sem hún hafi glímt við og hvernig saklausar spurningar fólks um barneignir hafi reynst henni gríðarlega erfiðar.

„Ég gerði mér aldrei grein fyrir því hversu erfitt þetta er fyrr en ég fór að tala um þetta. Ég trúi ekki hversu margir tengja við það sem ég er að ganga í gegnum,“ sagði Banks í langri stöðufærslu á Facebook-síðu sinni.

Þar sagðist hún oft hafa verið spurð að því hvenær hún hugðist ráðast í barneignir. „Fólk gerir sér ekki grein fyrir því hversu vont það getur verið að fá þessa spurningu. Það er mikið áfall að fá þær fréttir að maður getur kannski aldrei eignast barn.“

Banks og Asla byrjuðu saman árið 2013. Asla starfar sem ljósmyndari.

The best present we worked and prayed so hard for is finally here. He's got my fingers and big eyes and his daddy Erik's mouth and chin. As we thank the angel of a woman that carried our miracle baby boy for us, we pray for everyone who struggles to reach this joyous milestone. York Banks Asla, welcome to the world.

A photo posted by Tyra Banks (@tyrabanks) on Jan 27, 2016 at 5:16pm PST